اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[مدينة الحب]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ابوسك بالحلم واعلن صيام أسبوع
طعــم شفتك دوى ويمنـــع شهيـــــــتي
إذا أبوســك صدك راح اضعف هواي
لأن راح ابــقى صــايـم حـــد منـيتـي



احب صوتك ..

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

احب صوتك اسمعه من يجيني الليل
واحب انفاسك البيهه تحاجيني

ما ارتاح ليلي يمر بدونك يوم
يل كُلك ترافه يابعد عيني..

عاشق

احتاجك..؟

 

[مدينة الحب]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

محتاجك خلك وسع الارض يفلان
واشرحله الخواطر ليش متعوبه
ومحتاجك جدم ماتوجعه الصدمات
ومن تثكل بلوته يعاند دروبه
ومحتاجك عمر مايمر بيه الموت
مو عمري الكضه وساعاته محسوبه
ومحتاجك دمع يبجي اعله روحي وياي
من يصفن دليلي ويذكر ذنوبه
ومحتاجك صبر بس مو صبر ايوب
لان كبلك لبسته وماستر ثوبه
ومحتاجك حضن روحي تلفلف بي
لو فزت غفل بالليل مرعوبه

 

[مدينة الحب]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ما مجبور احبك ..

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مامجبور احبك.احسك بروحي عشت.
احسك وي النفس تصعد وتنزل..
انا بلياك .ينكطع الهوى جن متت
وبغيابك كلبي اعمى.لشوفتك يندل

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

جمر بعدك حبيبي ابد مايطفى

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

جمر بُعدك حبيبي أبد مايطفى
وتظل للدوم نارك بيه مشتعله


اشدنهه الجروح وتبقى ملتهبات
ياآلآآآم جرحك أبد مو سهله


مابعتك حبيبي رغم كل الصار
شلون الكَهوه تكدر تترك الدله


تجرحني واصيحن والله معذور
ويصحولي الشماته بيك يتسله


واجاوبهم حبيبي يسوه هذا الكون
أمل كل الحياة وحبه ما مله


متهمني الشماته المهم انته بخير
واشوفك عالي دوم وتبقى تتعله


معروف اليحب ينطي بلا تفكير
وانا انطيتك يغالي العنب والسله


....


بقلم مُخلد
الآن

 

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حروف درر واحسااس راقي وبوح معبر
يسلموووووو يامبدع

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تسلم حبيبي رماد
الاحلى وجودك
منور
....

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

البعدي
حر بالاختيار
يعني بكيف كيفه ههههه


.....