اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[نبض الحنين]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ها يروحي شبيچ ؟ شو محتاره
و هذا گلبي شماله شَبَت ناره
الحسره لعبت بيه جوله
سمعي حچيي الراح اگوله
الراح راح و گطع حتى اخباره
ها يروحي شبيچ ؟ شو محتاره

بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

انت بروحي ساكن..وكلبي بيتك
تدري البعد.سجاجين تنبت بلروح
كبالي اشوفك.وبكل احساس حبيتك
وبعدك عيوني تضل تون وتنوح
مشتهي ملكاك.واريدن بيك ارتاح
واحس عطرك.بكل مكان يفووح

جا.واريدن من حلكك دواي
واريد اليوم احضنك لاتكلي مامسموح

بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ادري البعد.يجرح بيك.وتكابرر...
وادري الشوك.يخنك بروحك خنك
كتلك ابقى كلبي .يموت بلياك
هاحبيبي .كلبك يحن من نفترك
اي ضلت بكلبي حسرة من مشيت
وضلت نار كلبك بكلبي تحترك
بقلمي

 

[نبض الحنين]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

كافي ابوس ايدك يَ كلبي انساها
خلص عمري و ما حجينه وياها
هي لو مقتنعه جا كالت تعال
مو تعوفك ميت و تركض وراها

بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لواجيت.يبقى كلبي...يريدك
من يوم الرحت..وعيونه ولهانه
كتلك بفلبي بيتك.محد يفيدك
وانه عيني لعيونك تنتظر عطشانه
من ابرد.اجيك بلا وعي والكاك
وهسه كلبي يرجف.والروح بردانه
بقلمي

 

[نبض الحنين]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

چان لازم انه اعوفك من زمان
بس شسوي لگلبي ما يسمع حچي
انت چنت ويايه تشعر بالامان
واني چنت وياك أشعر بالبچي
الناس العاندتهم بيك مجبور
اذا تلاگينه اضم بيديه وچي
براسي شگد وقت گضيت يفلان
بعد شيفيد اعاتب بيك ! مصلحچي

بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لا تعاتب .انت بنص كلبي حطيت خنجر
وانت بضيم كلبي التهبت.وختنك بسكوت
ماداويت جرحي.ولا تحس بكلبي مهموم
جنت ادير الوجه.من عندي لوتفوت
تزعلني هواي.وتدوس على الروح.
وخليك الروح.تتعب.وصلت كلبي للموت
بس موبيدي انساك.بروحي رسمتك عمر
ويضل كلبي على وعدك.يريدك بسكوت
بقلمي

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تريدك.افراك هاك اخذ حبيبي فراك
تريد ترد اخليك طير بسماك.
هاشتريد ليش نارك.مشتعله
ولطير شمايروح العش يردله
كلي اتانيك
لواروح
بس لاتخلي كلبك ينوح
جروح اي جروح
خيطت انا بعيابك بكلبي جروح
ماروح شماابعد عنك مااروح
هاشبيك
شواحس كلبك يون
ماتحن لو يمكن بسكوت تحن

شما يبقى الجسد تعبان
ترد اله النفس لو يلتقي بالروح
بقلمي

 

[نبض الحنين]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اذا ما مالي عينك ليش باقي وياي
وليش حاسبني حبيبك بالچذب
ضااايف غيري عشره وتحچي وياي
ومن تجيني تگول ممسوي ذنب
هذا يا حب اليگلك هيچي صير
عمي اسسسكت ما اريد اغلط واسب
اذا حچيك صحيح وهيچي حبنه يصير
عمي بَطَل گلبي ميفكر يحب

بقلمي

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ما اعوفك لا وحق حبي الك


شلون اعوفك


وانته محبوبي الوحيد


انته كلشي وبعد كلشي يالحبيب


انته نبضي وانته كَلبي والوريد


ما املك ..


ما اهجرك..


ما أغيب


واختصرلك ما اقهرك بالمفيد


انته افراحي ومسرات الحياة


وفقط وياك العمر يصبح مديد


هيج احس روحي ببراءة من اجيك


وانته روحك عذبة ياطفلي الوليد


هيج تفرح من اشمك يالحبيب


وتضحك بضحكة طفوله


وتعني ارويني المزيد


وآني بيك افرح ملاكي


واشعر الدنيه جميلة


وانته بيها أحلى عيد


...


بقلم مُخلد
الآن