افتح جف اديك وصيحنى من ابعيد!!!!!

[الشاعر الرياضي]

افتح جف اديك وصيحني من ابعيد


مامحتاجك انه وحتى ادور عليـــك
اذا انته بكياني اشلـــــــــــون ادورنــــــــــك

ياباب الكلب مفتوح دوم البـــــــاب
لو موت اعلــــــه بابـــــــــــك مااسدنـــــــــك

لو كالولي اشيلك من حياتي النوب
اكلهم كلبـــــي اشيـــــــــــــله ومااشيلنــــــــك


لو تجرحني مره اهواك عشره امرار
وارسل شـــــوكي الك بــــــس مااجرحنـــك


يلحبك سحابه واصعد المـــــــريخ
وعله وجـــــــــه الكمــــــر اكتب احبنـــــــــك


ادري بعشرتك جمره اعله جفي اصير
بس مو بـــــــيدي اعوفـــــك ليش اهدنــــــــك

اذا حبك وصل بينك وبيني يكون
احلـــــــه برادتــــــك وبكيفــــي اشدنــــــــــك


من سابع محال انساك لا ميصير
اشلــــــــون انســـــــاك اذا يوميــه اذكرنــــــك


اسجدلك اذا الله يرضه بهاي
وانحتنـــــــك صنــــــم كــــدامي اوكفنـــــــك


مااعوفك ابد وارجوك تقبل هاي
مااعــــــــــــزن ابــــــــوي وانته اعزنــــــك


ولاامي اعزها وابقه دايخ بيـــك
شارب ســــم جنونــــــــــــك لا اخبلنــــــــــك


يمتى الكاك يمي ومااحسبك ظيف
وافـــــــرشلك عــــــــذابي اوني اسمعنــــــك


احسنك ذنب ووياي صار شهور
بــــس جنــــك سنـــــــين اشلون اغفرنـــــــك


انثرنك ورد وانتشر بيك وعود
واذا تصبـــــــــح شتات بعينــــــي اجمعنــــك


بلكي اجرح اشفافك يلخذيت الروح
ولشـــــــــفافك اريـــــد بشفتي اضمدنــــــــك


افتح جف اديك وصيحني من ابعيد
وشــــــــوف بذني اديـــــه اشلون احضنـنـك


اريد اخسر الدنيه وكل هلي والناس
واخـــــــــــسر كلي انـــــه ومااخسرنـــــــك
​

 

[شواطئ الغربه]

رد: افتح جف اديك وصيحنى من ابعيد!!!!!

ما أجمل كلماتك عندما تنبعث
من صادق أحساسك عمو الفاضله ..........
ارتقيت ببراءة حروفك إلى علو المعاني
رائعه هي كلماتك .. كروعتك ودائماً تأتينا بكل ما هو جميل ورائع..
لك تحية من صميم قلبي..

 

[الشاعر الرياضي]

رد: افتح جف اديك وصيحنى من ابعيد!!!!!

منذ 13 ساعات


الف شكر عمو الغاليه
حضورج اسعدنى عمو الطيبه

 

[أمير بطبعي]

رد: افتح جف اديك وصيحنى من ابعيد!!!!!

حروف ذهبيه وكلمات تسحر روعه وسلاسه تدخل برقه الى الاعماق سلمت اناملك روعة الكون دمتي لنا ومنتظرين جديدكم تحياتي أمير بطبعي

 

[الشاعر الرياضي]

رد: افتح جف اديك وصيحنى من ابعيد!!!!!

أ

الف شكر الطله عموو
افرحنى حضورك يلطيب

 

[انتي جنتي]

رد: افتح جف اديك وصيحنى من ابعيد!!!!!

الله
اعوف الدنيا كلها واعوفنك
تسلم ايدك عمو

 

[الشاعر الرياضي]

رد: افتح جف اديك وصيحنى من ابعيد!!!!!

الله
اعوف الدنيا كلها واعوفنك
تسلم ايدك عمو

احلى طله يلغاليه
ربى يسلمج بنيتى العزيزه الغاليه