الأبوذية فاكهة المجالس....
للعتابي كامل....
عليش شبيك ياوكتي تگص باي
وسچاچينك وسط ظهري تگص باي
شبيها الناس ماترحم تگص باي
شماته بلايه ذمه ولاحميه
.....
عجايب ياوكت هالناس واغراب
التضنه هواك يجفي إبُعد واغراب
بخرابه وصفت ويه البوم وغراب
مناوب والنعيب استاد بيه
......
يهل تنشد على اودادك شرخ بيه
وخيرك بعد ماريده شر.. خبيه
شمشدن وصلك بروحي شرخي بيه
تگطعه وتلچم جروحي الخفيه
.....
لمن أنطر آمالي بشچواي.....؟
وهلبت من زبد يطفح بشچواي
شمچوي الگلب ماينفع بشچواي
يرد ويهيّج المدفون بيه
......
يلح بيّه زماني شلون ملحاه
لحگني وكل بياض العين ملحاه
اخوي الواعداني بزاد ملحاه
طلع زرنيخ گطّع حتى اديه
......
هجرني النوم وعيوني دمع لاي
ولاهمني الحرب لاجلك دم علاي
نهر والماي يم بابك دمع لاي
اطلع حط بلم والمردي اديه
.......
غبت يلچنت مسندلي وتچواي
وتعن رسومك بعيني وتچواي
أهومش بالدرب عگبك وتچواي
بس حيطان هيه تگود بيه
محباتي وتحياتي لجميع الأحبة
للعتابي كامل....
عليش شبيك ياوكتي تگص باي
وسچاچينك وسط ظهري تگص باي
شبيها الناس ماترحم تگص باي
شماته بلايه ذمه ولاحميه
.....
عجايب ياوكت هالناس واغراب
التضنه هواك يجفي إبُعد واغراب
بخرابه وصفت ويه البوم وغراب
مناوب والنعيب استاد بيه
......
يهل تنشد على اودادك شرخ بيه
وخيرك بعد ماريده شر.. خبيه
شمشدن وصلك بروحي شرخي بيه
تگطعه وتلچم جروحي الخفيه
.....
لمن أنطر آمالي بشچواي.....؟
وهلبت من زبد يطفح بشچواي
شمچوي الگلب ماينفع بشچواي
يرد ويهيّج المدفون بيه
......
يلح بيّه زماني شلون ملحاه
لحگني وكل بياض العين ملحاه
اخوي الواعداني بزاد ملحاه
طلع زرنيخ گطّع حتى اديه
......
هجرني النوم وعيوني دمع لاي
ولاهمني الحرب لاجلك دم علاي
نهر والماي يم بابك دمع لاي
اطلع حط بلم والمردي اديه
.......
غبت يلچنت مسندلي وتچواي
وتعن رسومك بعيني وتچواي
أهومش بالدرب عگبك وتچواي
بس حيطان هيه تگود بيه
محباتي وتحياتي لجميع الأحبة
