الإحْيَاء العظيمْ

[ودعت جرحك]

س انام حتى نلتقي ..

 

[ودعت جرحك]

تعالو زوار هاي نصيحة تاخذونهه للابد براسكم

اذا تحبلك شخص ودتراسله مثلاً اياك وبالك تراسل هذا الشخص منا وتراسل شخص ثاني مناك دير بالك تطبك عزيزين بنفس اللحظة اولاً الله ديشوفك وراح يخسبكك ثنين هذا الي ديستلم الرساله مو حمار تره عنده عقل وديشوف الوقت للرسائل تتفاوت بين محادثتين يعني معروفه الشغله تلاثة الله يطيح حظك لان دتضحك على عقول الناس .. روح انت الخسران .. شوف ايها الزائر تره كلشي ميعبر فلا تتخذ هذا الاسلوب المخزي اخاف انت عبالك محد يعرف وبالاخير ناصبين عليك راح تبقى طول عمرك خسران بهذه الازدواجية ياصديقي ديالله احسلك هيج تره ماخلص الموضوع راجعلكم سرسريه تموتون عالفضايح

 

[ودعت جرحك]

تعالو نكمل زوار عبالكم اعوفكم ههه

شوف اذا غاب عنك شخص لمدة طويله او شهر شهرين وراد يتخلى منك يعني بعدين حبيتلك شخص ثاني هسه دكول حبيتلك شخص ثاني شمدريني المهم اي دير بالك اذا رجع الشخص الي تركك وعلى اساس مشتاقلك لا يابه لتصدك تره رجع يخرب علاقتك الجديده الي ابتديتها وكانت جيده نوعاً ما وحقيقية شوف طلعت غشيم وهم راح تبقى خسران طول حياتك طبك مرض ماتسمعون نصيحة .. راجعلكم بعد تره ماخلصت سالفتي وياكم

 

[ودعت جرحك]

قانون الحب ههه تعالو اسولفكم على قوانين محد سامع بيهه او هي تحدث لكن بدون ماتحسون بيهه .. اذا حبيتلك شخص يعني حبيت الدنيا كلها يعني انت سعيد لكون الي تحبه هو سعادتك كلها شنو راح يصير راح يتدخل التعلق بينكم يجعلكم لا تفارقون احدكم الاخر او يجعلكم تستمرون بالسؤال لكل لحظة او ثانية وبشكل مضاعف .. انتبهوا وياي مو تقرون جريده زين .. اذا قلل من تحب سؤاله او اهتمامة لك ف اعلم ان الشخص الذي تحبه قام يمل يملك يعني صار عنده ملل منك اما ان تغير اسلوبك بالحديث والحركات بحيث اجعل نفسك مختلف عن الاخرين اي نعم جا شبيك اثول مثلاً صير مختلف بكل اشيائك واذا تعبت تصير مختلف والي تحبه بعده ملان منك يعني اكو شخص ثاني بسرعه اطفر لتبقه علمود مشاعرك لتنجرح وباجر تبقه تبجي ومدري ايش جنك بومه اكو هواي مسودنات من تعجب بيهه راح تراويك جهنم بعينك وياريتهه تسوه ف اني اكلك منا بطل بسرعه تنعجب بالناس صير ثكيل حتى في اختيارك ولا اعني عن الاختيار الجمال وكذا لا يابه الجمال ماله علاقه انت شوف الجمال الذي يسكن داخل المقابل نفسه طيبة روحه الحلوه .. كلبه ينبض شسوي بيهه جميلة وكلبهه مضروب طلقه وانت يازائري الكريم بكيفك بعد دا انصحك نصيحة من الاخير يعني بعد ماكو غير هه .. واذا تكول لا روح راح تتذكرني بعدين يابومه ..

 

[ودعت جرحك]

هنالك اشياء توجب عليك تذكّرها مثلَ اول لقاء واخر لقاء لكل شيء
عزيزي الزائر الكريم سوف تحزن ثم تكون اقوى من نفسك الصغيرة
تمعن قليلاً ستجد نفسك فائزٌ وهم خاسرون فتنهد وقل نحن من الخسائر ولسنا من الخاسرون
كُن يَقِظْ ولاتغلبُكَ نفسَكَ على حب ماتريد فَتَذُلْ

 

[ودعت جرحك]

سبحان الله

 

[ودعت جرحك]

مغلق مؤقت

 

[ودعت جرحك]

يالعزيز باقات من الشكر والإمتنان على إطلالتك الرائعه والمحببه لقلبي
هاي شنو

 

[ملاذي]

ضاع حسابها شتحسب
عليمن تشره وتعتب
دنيا وضاع بيها الزين
وتساوى الگشر واللب
ناس وعايشه بوجهين
حيره شتكره وشتحب
يگلبي الدنيا شرجي وياك
چا يمته الشمال يهب
جرحك لادوا يمض بيه
لاشل لانفع بيه طب
دفتر صرت للوعات
واقلام الدهر تكتب

 

[ملاذي]

يمر اسمك وأحس حرورتك بالراس
وأذب روحي بنهر يومين ما أبرد