الحلقه الثانيه من مسابقة صوره وشعر

[جَوُگلَيـےتُهِہ‏‏]

رد: الحلقه الثانيه من مسابقة صوره وشعر

صورة مؤثرة ومؤلمة
يسلموو لجهودك حنان
تحياتي

 

[بحرالورد]

رد: الحلقه الثانيه من مسابقة صوره وشعر

الاخت العزيزه الفاضله حنان البصره

صورت وأبدعت برسم الصوره لتي عبرت فيها عن شعورك الوطني ووجدانك الثوري المتمرد على ما جرى للأم الجريحه والتي فقدت عزيزيها بمصابها الجلل لك عميق شكري وإمتناني لروحك الطيبه ولتي تبحر في عمق شعور الاخرين لتعبر عن الامهم واحزانهم دمت وأدام الله تألقك​

 

[صاحب السمو]

رد: الحلقه الثانيه من مسابقة صوره وشعر

ضيم خلصت العمُر ومتــاني بيـك
اتشيل همًي وبيك تضوًه اعيوني

أفرح ابجيتك لَمًن تدخُل البيت
يـاحســـافه منًك ايحُرمُـــوني

كَطعو اكَليبي لمن هِجمو البيت
وهسًه بالهَم والقهر عـافــوني

ما أريد الموت يبعِدني عليك
كون اصير ابكَبرك ايدِفنـوني

*****

وليدي وخذاه الموت مِن إيدي مَظلوم
مَدفـون جوا الكَـاع مِن جيته مَحـروم

بقلمي

 

[شهد~]

رد: الحلقه الثانيه من مسابقة صوره وشعر

جزيل الشكر والامتنان لكل مَن وضع بصمته هاهنا....

نيابة عن الحبيبة حنان سـ اتابع المسابقة لحين عودتها
لظرف طاريء خارج عن ارادتها

لروحكم الياسمين

محبتكم ....

شـ هـ د

 

[علي هادي موسى]

رد: الحلقه الثانيه من مسابقة صوره وشعر





محنية ظهر جيتك اريد انخاكـ

باعوني البعت روحك لأجلهم

 

[رمااد اانسان]

رد : الحلقه الثانيه من مسابقة صوره وشعر

[FONT=&quot]
(ذبحني افراك حلو الطول )[/FONT]

[FONT="]ركـــــــــــد حيلي !أنحنه ظهري! أنفطر جبدي![/FONT]
​

[FONT="]يـــافركتك يانـــــار وبالعيون تفــــــــــــــــــــور[/FONT]
​

[FONT="]أحس الدنيا موهيه أحس الفلك كلــــــــــــه يدور[/FONT]
​

[FONT="]أسئل من عليكم أنس.. لو جان.. لو أتنخه الطيور؟[/FONT]
​

[FONT="]أجيتك مو مشي اجيتك ازحف وأحبي وأدور بين الكبور[/FONT]
​

[FONT="]أجيت محملــــــــــــه همومي ماجبت الورد لعطور[/FONT]
​

[FONT="]أجتك روحي ملهوفــــه تدور تايها وتخــــــــــــــور[/FONT]
​

[FONT="]وِصلتك مـــــاكمت لَيه أعرفــــــــك ياحـــلو مدثور[/FONT]
​

[FONT="]شسوي شلون ماادري اظل علل كبـــــــــر ناطور؟[/FONT]
​

[FONT="]الم أتراب كبرك وشمنــــــــــه وَتبَخرن بيه أبخور؟[/FONT]
​

[FONT="]أضم الصيحــــه والعبره ؟ماأكدر أخيفها يولدي مجبور![/FONT]
​

[FONT="]كبرتك وانظــــــــــــر لطولك أعده وأشبره شـــبور[/FONT]
​

[FONT="]عفتني لاولي بدونك !جنت دنكه لحياتي أوحايط أو سور[/FONT]
​

[FONT="]ذبحني افراك حلـــو الطــــول سيف ونحرني نحور[/FONT]
​

[FONT="]شصبر والفركــــــه موهينه مو شغله سنه والشهور[/FONT]
​

[FONT="]دمـــــع العين مايبطل يكت كتات نـــــــــــــــــاعور[/FONT]
​

[FONT="]أرســــومك عذبني هذيج الغرفـــــــــــــــه والكنتور[/FONT]
​

[FONT="]خـــــواتك واليحبونك وأخــــــوك البينه مكســــــور[/FONT]
​

[FONT="]لاليـــل اليمرهــــم ليـــل !كلها حانيــــــــــــه ظهور[/FONT]
​

[FONT="]شــــهيد وكـــل ذنب عندك يطيح أن شاء الله مغفور[/FONT]
​

[FONT="]ادعيلك جنـــة الفردوس أو زعفران أولؤلؤ أوحيور[/FONT]
​

​

[FONT=&quot]@@@@@@@@@@@@@@@
[/FONT]​

[FONT=&quot]راح الجان إلي سلوه وناسي[/FONT]​

[FONT=&quot]غالي واعز كل ربعي وناسي[/FONT]​

[FONT=&quot]إذا فد يوم ماذكرك وناسي[/FONT]​

[FONT=&quot]هذا اليوم لفتني المنيه[/FONT]
[FONT=&quot]@@@@@@@@@@@@@@@
[/FONT]​

[FONT=&quot]عالحجر من الشوك وسدت راسي[/FONT]​

[FONT=&quot]عطرك يبعد الروح تشتهي أنفاسي[/FONT]
[FONT=&quot]$$$$$$$$$$$$$$$$$$$$$$$$$$$
[/FONT]​

[FONT=&quot]ياكبر أرد انخاك لا ياكله الدود[/FONT]​

[FONT=&quot]كلهن ترافه وطيب ذنيج الخدود[/FONT]
[FONT=&quot]$$$$$$$$$$$$$$$$$$$$$$$$$$$
[/FONT]
[FONT=&quot]
[/FONT]
بقلمي


​

 

[מـلـ♥ـڪ ألـבـ♥ـب ألـמـ♥ـدريـدي]

رد: الحلقه الثانيه من مسابقة صوره وشعر

يبعد امك دخيلك شو رحت ومشيت
عني وعفت گلبي بغيبتك مصفّر
مثل ورگة خريف وطاحت بنص ماي
لا هي مبلله ولا هي تتكسر
جنت اسهر واشوف عيونك الحلوات
بس هسه ي يمه ع الگبر اسهر



ممتن لحضرتج عزيزتي ع الابداع بالاختيار والمجهود الممتاز
بالتوفيق للجميع

 

[شاهيـــن]

رد: الحلقه الثانيه من مسابقة صوره وشعر

أحسنت أم حنووون .. فعلا صورة مؤلمة .. تكرر مشهدها في واقعنا
الراهن .. وما أكثر الفاقدات .. وما أكثر الثكالى

قصيدة منقولة
ــــــــــــــــــــــــــ
اكصدت يمك صحت باسمك يضي عيني علي ياابني
وسف تالي بلا والي تخليني علي ياابني
جنت يمي تشد عزمي وتباريني علي ياابني
اختلف وضعي صبح دمعي يسليني علي ياابني
انكطع ضني وجمر حزني على امصابك على امصابك

صحت ويلي انهدم حيلي وبكيت احبي علي ياابني
الدمع يجري اذكرت سهري وهضم تعبي علي ياابني
يالاكبربس مصابك مس هرش كلبي علي ياابني
كطعت الضن ازيد الون واخد عتبي علي ياابني
غبت عني وجمر وني على امصابك على امصابك

كرب موتي ارتفع صوتي وصحت وينك علي ياابني
شفت غربه ومحن صعبه عكب عينك علي ياابني
اضن تدري اتلفت عمري على اسنينك علي ياابني
الجسم دامي ومتت ضامي كبل حينك علي ياابني
الضهر محني ابكبر سني على امصابك على امصابك

ارتفع نوحي اخذ روحي العشت بيها علي ياابني
انهدم داري وبعد ناري اشيطفيها علي ياابني
الهضم والدل بكيت احمل مراميها علي ياابني
الك هطمي وعلل جسمي اشيد اويها علي يابني
تلوعني وتضيعني على امصابك علي يابني

اون وانحب الك تلهب الف جمره علي ياابني
الجسم مدمي طحت مرمي على الغبره علي ياابني
الكلب لجلك عكب جتلك خلص صبره علي ياابني
ابدمع ينزف الك تذرف دمه الغبره علي ياابني
تصوبني وتشيبني على امصابك على امصابك

كثر نحبي اخذ كلبي الغبت عنه علي ياابني
الكلب يسعر بعد مكدر اخمدنه علي ياابني
مصاب الطف ميتوصف شوصفنه علي ياابني
لفاني الهم الدمع من دم اصبنه علي ياابني
رحت مني وكثر حني على امصابك على امصابك

جرح جبدي يضل يدي ولا يشفه علي ياابني
ضعت بعدك محن فكدك علاي كلفه علي ياابني
يسح دمك يبعد امك الف وسفه علي ياابني
​

 

[شهد~]

رد: الحلقه الثانيه من مسابقة صوره وشعر

بـ النيابة عن حنان
اتقدم بجزيل الشكر لكل من وضع بصمته ها هنا

جورياتي البيضاء لـ ارواحكم

 

[MS.Shaghaf]

رد: الحلقه الثانيه من مسابقة صوره وشعر

عليكم السلام ي غالية
صورة معبرة
ننتظر اقلام فخامة ادباء الفخامة
شكرا للجهود الراقية بانجاح المسابقة قلبي
تحياتي