الحوريات كلهن عافن (الولدان)
ولد بغداد صاحن اجمل العرسان
علاوي ومصطفى وعادل الجاف
ومحمد واحمد العريس عدنان
الحوريات كلهن اجن لهناك
يختارن يريدن اجمل الشبان
واحدهم صرخ عندي التحبني هواي
عندي الطلعت اتدور بين نيران
بعدها عيونها تنزف والصدر ملطوم
وعدتني تجيني وحاجزلها مكان
شلنا بيچن وعدنا احنا حوريات
مو من جنة الله من جنة البلدان
يبت بغداد ماابدلچ بحور العين
ومنتظرچ تجين وبيدچ النيشان
وها ما وصيچ جيبيلي حلقة פيٱج
هاي البيدي ذابت من جوي النيران
انهانينه اشكثر بالدنيا انه פيٱج
من عندچ خذوني والموت منان☺
منتظرچ والعرس يم الله لتخافين
اليم الله يظل صدگيني ماينهان
وسلميلي ع امي وگلها لا تبچين
يمه وداعتچ بالجنة فرحان
بس عندي وجع يمكن اثر الحروگ
يلا يطيب يمه سلميلي ع الصحبان
