أداة تخصيص استايل المنتدى
إعادة التخصيصات التي تمت بهذا الستايل

- الاعلانات تختفي تماما عند تسجيلك
- عضــو و لديـك مشكلـة فـي الدخول ؟ يــرجى تسجيل عضويه جديده و مراسلـة المديــر
او كتابــة مــوضـــوع فــي قســم الشكـاوي او مـراسلــة صفحتنـا على الفيس بــوك

الشاعر ثامر حموده ال مزيعل (1912_1988)

إنضم
18 يونيو 2015
المشاركات
16,796
مستوى التفاعل
7,870
النقاط
118
العمر
65
الإقامة
العراق
#قصيدة
(مبارك ياحمد من صرت علامة)

الشاعر ثامر حموده ال مزيعل (1912_1988) شيخ قبيلة ال حسن في العراق والوطن العربي شاعر كبير قال جميع الوان الشعر ولكنه تميز بشعره الساخر والذي يتسم بالنقد اللاذع والبناء وهذه القصيدة قالها رحمه الله في احد ابناء عشيرته ويدعى (حمد) الذي ذهب في الستينات من القرن الماضي الى النجف الأشرف للدراسة الدينية وكان يرتدي العقال العربي وعاد اليهم بعد ثلاثة اشهر معمم فقال حموده:

امبارك ياحمد من صرت علامه
وبدلت العكال بلبس العمامه

بدلت العگال البيه چنت محلاك
كسرته شلون كسره ومايله ليمناك
اشهالدولاب گلي الدولباك وجاك
ابن چكنوم غرك حسن هندامه

شگولن للي يگلي حمد شنهو الجاه
فطينه لو عوينه توافگت وياه
ثلث تشهر طبگ ماصارن لممشاه
وفرد طمسه طمس بالعلم للهامه

يگول بثلث تشهر كملن دروسي
قريت الأجروميه وصرت قاموسي
وهسه عمامته وبجامع الطوسي
يباحث والحنك مسدول جدامه

يا ساعي البريد الخط تحفظ بيه
واريد لشيخ عبدالمحسن توديه
واريدنك نيابه عني تهنيه
بتتويجه وتودي نسخه احكامه

وتدري وين جاعد من تجي تهنيه
متحنبط بجبه وبالصحن تلگيه
كل حچيه نحو والناس غوغه اعليه
مغطي دبلته وللسدر بحزامه

لف طول على راسه وطول لفه احزام
تدهمچ واليشوفه يشوف چومة خام
لا يهجع نهاره ولا بليل ينام
يطورد بالعجود اتگول حيامه

كلشي حسبت ماحسبيت بهاي
لن ملا حمد نحرير يفتي براي
چن طوله استكان وفوگه صحن الچاي
من ذب العگال وطس العمامه

هيه مصبغه وركضولك صبغ صبغوك
للألفيه متگلي شوكت قروك
مو صوچك تره صوچ الذي دلوك
وخلوك تهرف والليل متنامه
مبارك ياحمد من صرت علامه
 

المرفقات

  • IMG_8724.jpeg
    IMG_8724.jpeg
    36.8 KB · المشاهدات: 29

Retaj Al-Hassan

:: مشرفة منتدى اناقة المرأة ::
طاقم الإدارة
إنضم
1 يناير 2020
المشاركات
30,584
مستوى التفاعل
6,938
النقاط
223
الإقامة
آسـطـنبول
عآآشـت آلآيآدي

يسـلمـووو ع آلنقل
 

الذين يشاهدون الموضوع الآن 1 ( الاعضاء: 0, الزوار: 1 )