أكيد ماره عليكم هاي القصة
صبريه ازوجت عليوي ، وهي مره معدله وحلوه كلش الماي من تشربه ينشاف من بلعومهه ..
وعليوي خوش زلمه بس طاگه العوز ، ولا فلس عنده ..
يسولف الصبريه يگلها والله من تصير عندي فلوس الا اترس رگبتچ وايدچ ذهب وأشتريلچ بيت بالولايه ، يصفط عليها ويخطط لمشاريع مستقبليه بعيده المنال .. مثل ( حكومتنه) ..
ذاك اليوم عليوي طلع يحش حشيش ، جان تگرصه حيه ويموت ( الله يرحمه ) ..
ظلت صبريه تبيع مخضر وتجمع فلوس وتشتري كل عيد اضحيه ( طلي ) وتذبحة بثواب المرحوم ..
ولدهه يسألوها المن هذا الطلي يمه ..؟
تكلهم لبوكم عشرته ماتنسي يا بعد رويحتي ، ومن تذكره تبچي وتنوح ..!!!
الآ ...ان اجاها واحد الله رازقه ومنعم عليه ( فايخ ) ..
وصارت صبريه بأحسن حال تصعد ( جكساره ) وترجع ( بجكساره ) ومن إجه عيد الأضحى هم اشترت طلي حتى تذبحه
وهم سألوها ولدها يمه هذا المن تذبحين الطلي ..؟؟؟
گالت : هذا الطلي بثواب الحيه الگرصت ابوكم ..!!!!!!
#رباط_سالفتنة :
المفروض الحكومة كل سنه تذبح طلي لبوش لأن خلاهم يصعدون جكسارات ويخمطون مليارات وهم چانوا حفاي والشعب باقي ع حاله ....
