الغاز ساعديه

[عاشق بزمن لا عشق في]

الغاز ساعديه

المطلوب::ان تذكر كتابه كم شغله اشتغلها هذا المسكين بهاي االقصيده! كتابه وليس ارقام!!

*****
مبخوت
وبيا بخت!
حاسدني يا مبخوت!

لاعب وجيت أشتهر
طردوني بأول جوت!

فَتَحت وَكت العصر
شربت عصير التوت

ذَبو دعاية خطر
واللي يشربه ايموت!!
‘
متكلي وبيا بخت
حاسدني
يا مبخوت!

بالوطن غربه اشكثر
وأنه الصرت مشحوت!

دبرت نول السفر
كوه وكطعت القوت!

تئبرني كالَوا ترد
طِردوني مِن بَيرووت!

رديت الك يا وطن يابو النفط والموت!
رديت الك يا وطن بَس حضر التابوت!
جوعان مثل الجمل
ومحمل الياقوت!
سربوت أظنه الوكت ومنصب السربوت!

مبخوت وبيا بخت
حاسدني
يا مبخوت!
مكتوبه أبقه فُكر وشيمسح المنحوت!
دَوار رحت أشتغل منعوا عليه الصوت!

بالنجف واحفر كبر
صار الدفن بالكوت!
وهناكَ رحت أشتغل بطلوا حته الموت!
مبخوت
وبيا بخت
حاسدني يا مبخوت!

صياد اريد الرزق
وبصيدة المفلوت

مصيادتي العاندت
ضلت تكطع ابتوت!

رايد اتعلم حَجي
وصار الحَجي ابسكوت!

كالولي تكدر تجي
بس يكبر الكتكوت!

وتبصرت وارتجي
امشي ابضوه الناعوت!

بردان اخذني البجي
وما جابوا المازوت!

افتر واداوي البشر
وانه ابجرح مفتوت!

وازرع سواجي النهر
لو مابقه المنبوت

وانكت بقايا العمر
وارجع على المنكوت!

نوبات اكول الشعر
بيت ويفلش ابيوت!

وارسم ابهاي الصور
ضحكه ودوه المبهوت!

والقهر نفس القهر
لا تفضح المسكوت!

ماضَكه غير الكبر
ذاك الجنى المسحوت!

وانه البقيت انتظر
هلبت يجي المبخوت!

ضليت أقص القصص والملك فاته الفوت!
مَدري طالوت انتصر مدري انتصر جالوت!
هَددني ذاك الملك كالالي يا ممقوت!
لازم تحط النقط وتشخص الطاغوت؟

ما أدري يمته انفجر
وشيضمن الموقوت؟

ناعي ابمجالس قهر
وانه الصرت منعوت!

ضليت اسولف نكت
وبجلسة المكبوت!

بالنصب رحت اشتغل
ومساند الهلفوت!

لكني بااول سحر
كالولي راح اتموت

ما أدري لو بسطت!
يتكَسر الحانوت!!
مبخوت وبيا بخت! حاسدني يا مبخوت؟

ترهم اشوية كطن
بذنك ويخفه الصوت!
لكن كلام النذل شتحطله من اتفوت!!

يونس أظن ما علم
داعش تِهد ابيوت
لو يدري بالكارثه جا مايعوف الحوت!
جا ما يعوف الحوت!!
مبخوت
وبيا بخت!
حاسدني يا مبخوت!

الشاعر حسين االساعدي

 

[ارق المشاعر]

رد: الغاز ساعديه

كالعادة ابداع رائع وطرح يستحق المتابعة شكراً لك بانتظار الجديد القادم

 

[قيصر الحب]

رد: الغاز ساعديه

كالعادة ابداع رائع
وطرح يستحق المتابعة
شكراً لك
بانتظار الجديد القادم دمت بكل خير ​

 

[✿قہہمہہر✿]

رد: الغاز ساعديه

1- لاعب كرة قدم
2-بياع شربت
3-دوار
4-دفان
5-صياد
6-ناعي
7-نصاب

شعر روووعه يثلموووو

 

[مغلق]

رد: الغاز ساعديه

شكـرَاًً عَے المجَهُهود /

 

[الحالمة]

رد : الغاز ساعديه

روعه انت والساعدي

 

[فتنةة العصر]

رد: الغاز ساعديه

ابداع راقي ومميز
تسلمون وايد

 

[سعد العراقي راقي]

رد: الغاز ساعديه

تسلمين
شـــكرا لك