صباح/مساء الخير حبايبي
اول شي اتمنى تكونون بخير وصحة وعافية ❤
ثانياً مشتاق للمنتدى ولكل الاعضاء رغم غياب اغلب الاعضاء القدامى بس الجدد بيهم الخير والبركه
رغم هالشي ورغم انه حالياً بصراحه اعرف اثنين او تلاثه من الموجودين لكن دخولي للمنتدى اله شعور خاص وذكريات كلش حلوه وترجعني سنييين لايام المدرسة
ثالثاً حبيت اشارككم احدى كتاباتي المتواضعه الي كتبتها من سنتين او اكثر قبل التوقف الطويل عن الكتابة ^_^
يارب تنال اعجابكم
اليوم ميلاد الگمر
سمعوني هلهولة عرس
اليوم احلى ايامي
جتي الي فرحت هالگلب
ذوبتني من كد العشگ
لونتلي كل انغامي
ما شفت يشبها بشر
لا بالارض لا بالسما
ولا حتى وسط احلامي
كل عام وانتي بهالخجل
وبهالجمال البي دخت
نساني عمري واسمي
انتي الصديقه والعشگ
وانتي الحقيقه والحلم
واسمج صبح ويه دمي
من جيتي بس يلا فهمت
ربي اسعدلي هالولد
كلما دعتلي امي
خدج مثل وجه الورد
وچفج مثل جفن الگطن
ووجهج وجه حوريه
الخجل صفنّي عُمر
والشفه من گد ما عسل
منها الجُمل ورديه
الگلب ابيض چن طفل
واحلفلج برب البشر
بس انتي عندي بنيه
رايد نعيش احنه سوه
بالبيت عازلج عشگ
ما تكفي كل سنيني
منتظر بس يوم العرس
واصرخ ي يمه الچنه اجت
وتگلي هاي بعيني
انتي شوصفج يا شنو
انتي روحي والعُمر
وانتي گليبي وعيني
بقلمي : علاء كريم
اول شي اتمنى تكونون بخير وصحة وعافية ❤
ثانياً مشتاق للمنتدى ولكل الاعضاء رغم غياب اغلب الاعضاء القدامى بس الجدد بيهم الخير والبركه
رغم هالشي ورغم انه حالياً بصراحه اعرف اثنين او تلاثه من الموجودين لكن دخولي للمنتدى اله شعور خاص وذكريات كلش حلوه وترجعني سنييين لايام المدرسة
ثالثاً حبيت اشارككم احدى كتاباتي المتواضعه الي كتبتها من سنتين او اكثر قبل التوقف الطويل عن الكتابة ^_^
يارب تنال اعجابكم
اليوم ميلاد الگمر
سمعوني هلهولة عرس
اليوم احلى ايامي
جتي الي فرحت هالگلب
ذوبتني من كد العشگ
لونتلي كل انغامي
ما شفت يشبها بشر
لا بالارض لا بالسما
ولا حتى وسط احلامي
كل عام وانتي بهالخجل
وبهالجمال البي دخت
نساني عمري واسمي
انتي الصديقه والعشگ
وانتي الحقيقه والحلم
واسمج صبح ويه دمي
من جيتي بس يلا فهمت
ربي اسعدلي هالولد
كلما دعتلي امي
خدج مثل وجه الورد
وچفج مثل جفن الگطن
ووجهج وجه حوريه
الخجل صفنّي عُمر
والشفه من گد ما عسل
منها الجُمل ورديه
الگلب ابيض چن طفل
واحلفلج برب البشر
بس انتي عندي بنيه
رايد نعيش احنه سوه
بالبيت عازلج عشگ
ما تكفي كل سنيني
منتظر بس يوم العرس
واصرخ ي يمه الچنه اجت
وتگلي هاي بعيني
انتي شوصفج يا شنو
انتي روحي والعُمر
وانتي گليبي وعيني
بقلمي : علاء كريم
