(( امسيات فيلسوف ))

[رافد البغدادي]

رد: ((امسية حره مع فيلسوف))

العمده ماكو

سلامات لعمدة الفخامه

واتمنى له السلامه

 

[بديامون]

رد: ((امسية حره مع فيلسوف))

كلنه منتظرينه
ماتحلى السهره بدونه

 

[اسير الضمير]

رد: ((امسية حره مع فيلسوف))

السلام عليكم
سالفه والرباط عليكم
حيل مغثوث واتمنى واحد يعرف الرباط
بزمن الملكية چان أكو شيخ عشيرة عنده مال وحلال وفلاحين ورعيان وچان عنده راعي بالغنم أسمه مصيول وچان مصيول يعوف الغنم ويقرأ جرايد وأذا شافه واحد يحرگهن علمود يضيع الأثر ..ذاك اليوم اجو الناس للشيخ يشكون :
من الچلب تكرمون يعض گالهم الشيخ أتركوه
گلوله والمطي يزگط تكرمون گالهم أتركوه
گالوله والثور تكرمون ينطح گالهم أتركوه
گالوله ومصيول تكرمون يقرا جرايد ويحرگ
گالهم الشيخ أبسطوه وطردوه
گالوله محفوظ بس مصيول سويتله حل گالهم راس البله مصيول مهمل بسببه گام الچلب يعض وبسببه گام المطي يزگط وبسببه گام الثور ينطح مصيول لا بيه خير ودخانه يعمي لا ساعة يحرگنه الخبل .. ظل رباط السالفه كلمن يربط السالفه بالطريقه اللي تعجبه

 

[اسير الضمير]

رد: ((امسية حره مع فيلسوف))

اليوم بس سوالف
اكو رجال جبير متعهد مال حج عنده اثنين ولد
واحد يروح وياه كل سنة للحج .والثاني يشرب
وعنده سوالف مكسرة . المهم قبل ما يروح للحج
اجتهم مرة جيرانهم كالتله ابو فلان اني مسافرة وعندي هاي الفلوس اريد اخليهم يمك امانة . المهم اخذهم وراح للحج . من رجع اجتي المره سلمت عليهم ورادت الامانة كالها يا امانة .. كالتله يمعود الامانة اللي خليتها يمكم قبل ما ترحون للحج الرجال نكر وابنه الثاني هم نكر . ابنه ابو العرگ كاله يواش يواش . المره اجت وانطتكم فلوس وهالگد چانن . صفن الرجال گاله ابن الكلب انت من السنة الجاية تروح ويانه للحج . رباط السالفه
اكون ناس مسوين روحهم ايات عظمى من الجنسين
ومن تكله وين الامانه مثل داعينه يكول يا امانه واكو ناس تكولون عليهم مو خوش اودم بس كل الغيره عدهم
تحياتي لابو

 

[اسير الضمير]

رد: ((امسية حره مع فيلسوف))

هاي السالفة اغلبكم سامعه.
سالم ال دنيف عنده تكرمون مطي وثور هذا المطي كل يوم يگطع الحبل ويروح ياكل بزرع الوادم وتروح الناس للشيخ تشتكي من مطي سالم ويترزل سالم كام يدعي ربه الهي ما تموت هذا المطي صبح الثور ميت والمطي مابيه شي راح فزع جيرانه عميان اثنين كالهم المطي مات واريدكم تساعدوني نجره نذبه بالشط من لزموه ضلو واحد يگل للثاني هذا ثور مو مطي شال راسه سالم للسمه كاله ربي هذولي عميان وعرفو هذا ثور مو مطي واني دعيتك على المطي مو الثور.
اللجنة المشكلة من قبل رئيس الوزراء لتقصي الحقائق حول مادة الرز التالفة تدلي بتقريرها النهائي بأن المادة صالحة للاستهلاك البشري.
لابو كل حرامي منضوي تحت راية التحالف الوطني سيدها وشيخها وافنديها

 

[اسير الضمير]

رد: ((امسية حره مع فيلسوف))

ابو شوقي صديقي جذاب
الى درجه فديوم من الايام
يسولف بالمضيف چان ايگللهم
اني بصحراء واجاني الاسد
فگال ختلت وره الباب
گلوله وين اكو باب بالصحراء
گال ختلت وره الحايط
فگلوله وين اكو حايط بالصحراء
فگللهم اكلني الأسد........هسه ارتاحيتوا
ابو شوقي والله مشتاقلك صديقي
تصبحون على الف خير

 

[اسير الضمير]

رد: ((امسية حره مع فيلسوف))

وهاي هم وحده ع الكذابين
صديقي جذاب ويحمه بسرعه أسمه( خضير آل سمير )يكول جنت مقاتل بحرب ايران وصار هجوم علينه بالليل وتصوبت وضليت انزف وتفرقوا جماعتي عني وبقيت وحدي شسوي هم النزيف أخذني وهم ليل وهم وحدي فأخذت البي كي سي وشكلت الشريط مالهه ووجهتهه للسمه ورميت وكتبت بالسمه (خضر سمر قد جرح)فشافوهه الجيش وقروهه وأجاني الجيش العراقي ونقذني
تره هواي عدنه مثل خضير
ههههههههههههههههههه

 

[بديامون]

رد: ((امسية حره مع فيلسوف))

يكولون
كلام الناس لايقدم ولا ياخر
انه اكول
قبل النهايه يقدم وياخر
وبعد النهايه لايقدم ولا ياخر
انت ويش تكولون

 

[بديامون]

رد: ((امسية حره مع فيلسوف))

يكولون
كلام الناس لايقدم ولا ياخر
انه اكول
قبل النهايه يقدم وياخر
وبعد النهايه لايقدم ولا ياخر
انت ويش تكولون

 

[اسير الضمير]

رد: ((امسية حره مع فيلسوف))

خالي ملاكم وعصبي كلش
ويوميه مسوي مشكلة
فا جدي أخذه وياه للحج
هاي السنه يعني أو گال بلكي ينصلح حاله
فا يسولف جدي يكول من وصلنه للحجر الاسود
أو خالك بالكوة وصل للحجر من وره الازدحام
وراد يدخل راسه ويبوس الحجر
فا اجاه واحد صومالي
أو دفعه أو خله راسه هو بمكانه
يكول جدي فاخالك أجاه وسحبه
ورفعه بأيد وحدة
أو گله(تروح منا لا ألزگك بالكعبة
هههههههههه خالي هم يحمه مرات