عقيل العرد
...
اوتار المرحلة اكتملت نسجناها
ولحن معزوفة الثورة بده يدندن على شفافي
الطفل والشاب والحرمة تهجوا كلمة الـ (كافي)
الشعب صدره انترس منك جذب يچوي
حرامي الوان اليحلمون
.. ماتدري؟
شباب الوطن نگط دمهم من اوشالة اخر حِب؟
بجيبك جم فقير يموت
وصفار الناس كل ما زاد مثل السعف من يشب
الحناجر راح تهتف (طيح)
وشجن رفض الشعب دافي
وخاف اتضيع اوصافي
انا الجوعان
انا البطران
انا الحافي
انه البيه ملامح نار
لكن مستحي وطافي
انه الراويته وجه الله
وطلع وجه الله مو صافي
وخاف اتطيح تعذرنا
اذا شوهنه وجهك يوم … لا تزعل
شعارك باجر نصبغه بنزاهة چف الاسكافي
...
اوتار المرحلة اكتملت نسجناها
ولحن معزوفة الثورة بده يدندن على شفافي
الطفل والشاب والحرمة تهجوا كلمة الـ (كافي)
الشعب صدره انترس منك جذب يچوي
حرامي الوان اليحلمون
.. ماتدري؟
شباب الوطن نگط دمهم من اوشالة اخر حِب؟
بجيبك جم فقير يموت
وصفار الناس كل ما زاد مثل السعف من يشب
الحناجر راح تهتف (طيح)
وشجن رفض الشعب دافي
وخاف اتضيع اوصافي
انا الجوعان
انا البطران
انا الحافي
انه البيه ملامح نار
لكن مستحي وطافي
انه الراويته وجه الله
وطلع وجه الله مو صافي
وخاف اتطيح تعذرنا
اذا شوهنه وجهك يوم … لا تزعل
شعارك باجر نصبغه بنزاهة چف الاسكافي
