كنت في الاول متوسط ومدرستنا فيها مثلا .
الصبح نحن الاولاد والعصر البنات وبالعكس .
ففي يوم من الايام كان دوامي عصري وطبعا يكون الصباحي بنات .
دخلت الصف ورحت الى رحلتي (مقعد الدراسة) وردت ان ادخل كتبي داخل الرحلة .فوجدت دفتر منسي ومتروك في جيب الرحلة مال حضرتي .
انا رأساً .اخذت الدفتر ورحت اقلب به وبسرعة خاطفة .
فرأيت ابيات شعر لنزار قباني .ورسم قلب مع سهم وورده صغيرة بين طياته .
رأساً حشرته مع كتبي وغلست .؟
ولما حصلت فرصة لي فرحت أقرأ الشعر واشم بالورده .
الشعر يقول .
واصل تدخينك يغريني
رجل في لحظة تدخيني
مااشهى تبغك والدنيا
تستقبل اول تشريني
........
انا عرفت ان هذا الدفتر ناسيته وحده من البنات وانا في عمر المراهقة .رأساً اخذتني الافكار ورحت ابعد مما يتصور الواحد .
فرحت أشم الوردة .هي يابسه وانا اعتقد بيها عطر من سذاجة عقلي . و
وأقرأ بالشعر .حتى ظليت ادخن بحسابي هاي البنت ام الدفتر تحب هيج نوعية اضغط على روحي اجر دخان الجكارة واكح ساعة حتى اختنكَت .
وظل الدفتر ثلاث ايام عندي يومية كل ماينتهي وقت البنات وتحل من المدرسة انا اقف في مكان اكثرهم يشوفوني واعرض الدفتر بلكت وحده تكول هذا مالي حتى اعرفها .هاي خطتي .
طبعا اسمها مكتوب داخل الدفتر مو على الخارج واسمها كلش حلو (سكره الزيدي ) وانا اتغزل بهذا الاسم المميز العجيب .
وبعد ثلاث ايام صرت مدمن ع التدخين من سبايب سكره الحلوة .
ولكن اشوف الوقت طال والورده انتهى مفعولها بقت بس عود والشعر حفظته عن ظهر قلب .
انا ردت استعين بصاحبي هذا اللي كان نصيبي يكون بجنبي .
بس صاحبي غبي وخفت يورطني .
صاحبي حتى كتابته الاملائية خطأ كلها خطأ وتفكيره خطأ يعني منبع للغباء .ونلقبه بأسم (عويد الوسخ)
هو اسمه عواد واحنه انسميه عويد الوسخ .
المهم ماكَدرت استعين به لشدة غبائه .
.........
ولما طال الوقت بيني وبين لقاء فتاتي الافتراضية ام اسم الحلو سكره الزيدي .
ففي يوم طلعنا فرصة .يعني كان عدنا شاغر .غياب المدرس لسبب ماادري .
طلعنا للساحة واخذت الدفتر معي لاني أيست بعد مااعتقد اتعرف على محبوبتي الخيالية .
ولما كنت جالس بجنب الحايط واقلب بالدفتر .
جاء عويد الوسخ وتقرب مني .
ثم صاح بصوت عالي .
هذا دفتري صار له اربعة ايام ضايع وادور عليه .
فقلت له انجب هذا دفتري انا .
عاد ظل يحلف ويكول انطيك نيشان (دليل) على انه دفتري .
كَتلها شنو دليلك .
كال بيه ورده كنت مخلّي .
وكاتب على الصفحة الاولى كتابة عريضة .
كَتله شنو الكتابه .
كَال (سمك زبيدي)
اللعين موغبي ومايعرف بالاملاء .
فصايرة سكر الزيدي .
اتعذبت وتعلمت تدخين وحلمت كثير كثير
تاليها يطلع دفتر
عويد الخايس وانه هايم فيه
افه انا عبد ابوك
b=90
الصبح نحن الاولاد والعصر البنات وبالعكس .
ففي يوم من الايام كان دوامي عصري وطبعا يكون الصباحي بنات .
دخلت الصف ورحت الى رحلتي (مقعد الدراسة) وردت ان ادخل كتبي داخل الرحلة .فوجدت دفتر منسي ومتروك في جيب الرحلة مال حضرتي .
انا رأساً .اخذت الدفتر ورحت اقلب به وبسرعة خاطفة .
فرأيت ابيات شعر لنزار قباني .ورسم قلب مع سهم وورده صغيرة بين طياته .
رأساً حشرته مع كتبي وغلست .؟
ولما حصلت فرصة لي فرحت أقرأ الشعر واشم بالورده .
الشعر يقول .
واصل تدخينك يغريني
رجل في لحظة تدخيني
مااشهى تبغك والدنيا
تستقبل اول تشريني
........
انا عرفت ان هذا الدفتر ناسيته وحده من البنات وانا في عمر المراهقة .رأساً اخذتني الافكار ورحت ابعد مما يتصور الواحد .
فرحت أشم الوردة .هي يابسه وانا اعتقد بيها عطر من سذاجة عقلي . و
وأقرأ بالشعر .حتى ظليت ادخن بحسابي هاي البنت ام الدفتر تحب هيج نوعية اضغط على روحي اجر دخان الجكارة واكح ساعة حتى اختنكَت .
وظل الدفتر ثلاث ايام عندي يومية كل ماينتهي وقت البنات وتحل من المدرسة انا اقف في مكان اكثرهم يشوفوني واعرض الدفتر بلكت وحده تكول هذا مالي حتى اعرفها .هاي خطتي .
طبعا اسمها مكتوب داخل الدفتر مو على الخارج واسمها كلش حلو (سكره الزيدي ) وانا اتغزل بهذا الاسم المميز العجيب .
وبعد ثلاث ايام صرت مدمن ع التدخين من سبايب سكره الحلوة .
ولكن اشوف الوقت طال والورده انتهى مفعولها بقت بس عود والشعر حفظته عن ظهر قلب .
انا ردت استعين بصاحبي هذا اللي كان نصيبي يكون بجنبي .
بس صاحبي غبي وخفت يورطني .
صاحبي حتى كتابته الاملائية خطأ كلها خطأ وتفكيره خطأ يعني منبع للغباء .ونلقبه بأسم (عويد الوسخ)
هو اسمه عواد واحنه انسميه عويد الوسخ .
المهم ماكَدرت استعين به لشدة غبائه .
.........
ولما طال الوقت بيني وبين لقاء فتاتي الافتراضية ام اسم الحلو سكره الزيدي .
ففي يوم طلعنا فرصة .يعني كان عدنا شاغر .غياب المدرس لسبب ماادري .
طلعنا للساحة واخذت الدفتر معي لاني أيست بعد مااعتقد اتعرف على محبوبتي الخيالية .
ولما كنت جالس بجنب الحايط واقلب بالدفتر .
جاء عويد الوسخ وتقرب مني .
ثم صاح بصوت عالي .
هذا دفتري صار له اربعة ايام ضايع وادور عليه .
فقلت له انجب هذا دفتري انا .
عاد ظل يحلف ويكول انطيك نيشان (دليل) على انه دفتري .
كَتلها شنو دليلك .
كال بيه ورده كنت مخلّي .
وكاتب على الصفحة الاولى كتابة عريضة .
كَتله شنو الكتابه .
كَال (سمك زبيدي)
اللعين موغبي ومايعرف بالاملاء .
فصايرة سكر الزيدي .
اتعذبت وتعلمت تدخين وحلمت كثير كثير
تاليها يطلع دفتر
عويد الخايس وانه هايم فيه
افه انا عبد ابوك
b=90
