ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

ومن الحب ماقتل

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

بشرني
بتوالي الليل وين اتروح.
هم اتهيج بيك اجروح
هم تكظيها بس اتنوح
هم بيك النفس مذبوح
هم جرحك يظل مفتوح
هم بالعين صار اسفوح
هم شوفك يظل مشبوح
هم كلبك تحس مجروح
هم تذكرني لو مره وجع جاسك
هم اضيق عندك بيك انفاسك
هم اتشوف وجهي بعين كل ناسك
هم الشيب مالي ازلوفك او راسك
هم مكسور بيك الشوك وحساسك
هم مهدوم بيك من الحزن ساسك
هم تشتاك
هم مخنوك
هم بيك الكلب محروك
ذني البيه صارن شنهي بيك ايصير

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

على طولك اشعلني وصيح بيه الصوت
انا بطرك النفس بين الحيا والموت
واسري بنبض دمي لشهگة الزردوم
حب تالي العمر علّته من البسكوت
يا شايل حلاوة خوف الحديثات
ومحمل سحر ضحكة بنات بيوت
يا مايع ترافة اتهيّب من احويك
خاف اصعب عليك وخاف بيدي تموت
هلكد ما تلح راج الثمر بالعود
واحمرّ على شفافك گبل وكته التوت
يمعود دخيلك والگلب شيصير؟
اذا تكطع بتوته منين اجيب بتوت ؟

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

أمنيتي أهج ..
وأصعد على چتاف الگمر
وهنآك أطش حچايتي
بلگي وآدم بالگمر عدهم ضمير
بلگي اشوفن ناس تحترم الحصير
والفلس عدهم صغير
والله بين عيونهم گاعد چبير

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

أحتاجك حلم يحضني طول الليل
ومحتاجك حقيقة وياك أكضيها
ومحتاجك عمر فاركني صار سنين
ومحتاجك حياة بعمري اشريها
دخيلك روحي ترجف ضمني ليك بساع
وبلمسة حنانك روحي دفيها
مااحمل غيابك بية نار تصير
واهات الليالي الماتحس بيها
احلفنك يغالي بكل كï»»م الشوك
لترخص عيوني وï»»تبجيها
مجنونك صرت والعقل هايم بيك
وعطشانة المشاعر وانتة ترويها…

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

ياقطب الشمالي من البياض البيك
بوصفك كل حروف الكون تتردد
وربك لو اراد الرحمه باهل النار
يذبك بالجحيم النار تتجمد
يبو عيون البحر وجفونك الموجات
ورموشك مراكب تنزل وتصعد
اذا بالجزره عينك بحر ما ينغاص
جا شتصير كلي لو يجيهه المد
ولو عطرك يمر مره ويه هبة ريح
خجل وردة الجوري من العطر تنسد
وجبينك وي عيونك عنده حرب اليوم
لان حد حاجبك بارض الجبين امتد
نورس وانذبح وسال الدم اعلى الريش
احمر فوك ابيض هذا حال الخد
والاحمر لون رائع جنت اظن يهواي
والاحمر من شفت شفتك لكيته اسود
دم ضبيه وفرش روحه انته فوك اشفاك
وعقدين اللآلئ وسطه تتوسد
وشفت شال اعلى متنه من الذهب مصيوغ
اباوع طلع شعره اعلى المتن ممتد
اذا رادو اشبهك باجمل الاشياء
اكول انته مثل انته واظن ازود

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

گبال المَرايه إرجفت لمنّ شفت شعَري
وعضيت ، أصبعي بقهر
ع الراح من عمريّ
شبسرعة نام التعب بخدودي ماادري

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

تأذيني بغرامك واني الك ممنون
وبنار الهجر كل ساع تجويني
تدريني مريض وماانام الليل
وتدري دواي انت شبيك داويني
تجرحني بكلامك لو حجيت وياي
وانسى جروحي كلهن من تلاكيني
سلمتك كليبي وصرت انت الروح
وصرت كلشي بحياتي وعمري وسنيني
ياأول عشك وبيك النهايه تصير
انا بلياك اموت زين تدريني
صح بعيد عني وماتمر كل يوم
بس اني اشوفك ساكن بعيني

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

سألونـــي .. أتحبهـا.؟
قلت لهم .. الحب بحقهـا قليل
فسألونـــي .. ان رحلت، ستكرههـا.؟
قلت لهم .. أترحل روح الا عن جسدٍ قتيل ..؟؟
فقالو مجنون .....
أبتسمت و قلت...
جنونــي بها .. أكبر من هذآ الكون
فهى من أضفت على حياتى ألف بهجة ولونتها بكل لون...

 

[!.. آكـِرم الآسـ.ُديِ..]

رد: ايِتهّا الَغُائبًهِ ... انِاجّزٍء کْبًيِر مًنِ خِرابً الَارض.. وٌالَلَعٌنِة عٌلَيِکے .!$

مرات البحر ما يروي عطشان
لان مو كل عطش بالماي يروه
اكو محتاج يهوى شلون ماجان
ويصح مثلك محب مليون يسوه
انا بحبك فتحت الروح ديوان
وتمنيتك تجيني بلايه نخوة
ما اريد بجذب نتسمى احباب
انا اريد المحبه وياك تقوه
كلبك مدرسه وتلميذ اني وياك
صدكني بمحبتك ما خذ القدوة