احبائي اعضاء وزوار
منتديات فخامة العراق
السلام عليكم ورحمة الله وبركاته
يسرني جدا
ان اضع بين ايديكم الحلقه العاشره من البرنامج
الغرض من هذا البرنامج هو
إشاعة جو من البهجة والمرح والألفة
بين الاعضاء
بعيدا عن الروتين وضغوطات الحياة
حيث سنقوم باستضافة
أحد الأعضاء ((من الجنسين))
ليحدثنا عن مواقف طريفة حصلت له
في أي مجال من مجالات الحياة دون خجل
على أن يختتم مشاركته بذكر
بعض النكات الجميله
ويسرنا جدا ان يكون ضيفنا لهذه الحلقه
عضو متآلق في سماء
منتديات فخامة العراق
وله حضور رائع
انه
b=35فأهلا وسهلا به ضيف غالي على البرنامج
الموقف الاول
b=138
كان عدنه درس بالابتدائيه
والدرس كنت اتذكر عن السمك
يحجيلنه المعلم
المهم المعلم كال احزلكم حزوره
وطبعا حتى يخلي اسم السمك ببالنه ..
كال الي يحل هذا اللغز اله هديه
وجان يكول
(يعيش في الماء فقط حروفه بلا نقط)
اكو طالب غبي طمع بالهديه
كال نعم استاااااااااذ عرفته؟
كاله المعلم اااي عفيه شنووو؟
كاله استاذ ...حمد
كالو المعلم اشلووووووووون
ولك حمد شجابه بالطاري؟s=179s=179
كاله اي استاذ مو حمد حروفه بلا نقط؟
المهم ما اطولهه عليكم فضت السالفه بكم عصا
ههههههه
ألموقف ألثاني
b=138
اتذكر كنت في الصف الاول ابتدائي
وتعاركت مع كردي وبصراحه
شبعت بيها كتل
خلي احجيلكم تفاصيل هاي العركه
والي انكتلت بيههs=158s=158
هههههه
كنت بالاول ابتدائي
وكان اكو
طالب كردي بالصف السادس
يعني اكبر مني بهوااايه
والمشكله هو طوووويل
كانوا الطلاب الكبار بعمره يكولوله
سالفه بالكردي
شو هذا يطير وراهم ومايلزمهم ويضحكون عليه
وهو بصراحه سرعته اقل منهم
ويفلتون منه
آني كنت صغيرررر وحتى طولي
يجي لرجليه
بس وبصراحه خشًت السالفه بذهني وياريته ماخاشه
وفكرت
هم اعمل مثلهم واكوله هاي الكلمه
وكان ببالي راح يطير ورايه
وما يلزمني مثلهم
وهم اعيش اللحظه الحلوه واضحك
كانو يكَولوله كلمه لحد الان اتذكرها
من ورا الكتله
وماراح اكتب الكلمه
اخلي فراغ بمكانها
هههه
(........... دايكت)
وطبعا هذا ماتعجبه
واكيد مبينه غلطه
بس ماكنت اعرف معناها
وكلت خلي هم اكولهه
وبيني وبينكم كان معناها
غلط بالفاحشه على الام
لان الام بالكردي اسمهه دايه
واذا اكو اكراد هنا يفهموها الكلمه
وافهموها عااااد
هههههه
بصراحه كلتها بصوت ووواطي
وخايف منه لان متهيأ للهزيمه
وفعلا كَلتها
وانهزمت وهذا طار ورايه
وطبعا بس رجله بطولي
وصمم الى ان يلزمني
وفعلا لزمني
وطلًع بيه كل قهر الطلاب الباقين
الي ولا واحد منهم
كدر يحجزه عني
لسبب بسيط لانهم مطلوبين للكردي
وعينك ما تشوف اله النور
كتلني عالكيف وماكو حواجيز
وبعدهه حرًمت اكول لكردي
(......دايكت)s=145s=145
بس يله المهم كانت درس
برغم قساوة الكتله
بس وداعتكم بعدهه بيوم
كتلته كتله خليته يندم
لان كتلني
ولا عبالكم بيدي كتلته
لا عيني بواسطة ولد عمي
لزموه من طلع من المدرسه
واخذت حقي منه
برغم انه مو بيدي
ها شلوني؟؟s=143
هههههههه
الموقف الثالث
b=138
مره ماما الله يرحمهه
طابخه النه غدا لوبيا
رادت تروح للسوكَ تتسوكَ
وتشتري غراض وجدر اللوبيا عالنار
كَالت وليدي تكدر بس تراقب اللوبيا
من تستوي بس تطفي الطباخ ؟
كتلهه اي هاي بسيطه
بس شلون اعرفها مستويه ؟
كالت تكشف الجدر وتاخذ تاكل منهه
وانت تحب اللوبيا واكيد
راح تعرفها من تستوي
كتلها هاي بسيطه روحي للسوك
واني راح كل شويه اراقبها
وبالفعل كل شويه اكشف الجدريه
اخذ منهه لوبيا آكل منها
وافكر واصفن هااا؟
لا بعدهه مو مستويه
ورا كم دقيقه هم نفس العمليه
اكشف الجدريه واخذ منها بالصحن
واكيد ارفع منهه بالجفجير
s=57 ههههه
ولمن آكل منها واصفن بالفعل
مو مستويه
وكنت احب اللوبيا كلش
ومن صدكَ اهتميت بيها اكثر من اللازم
واستمريت على هذا الاهتمام بيها
كل شويه اكشف الجدريها وآكل
وبالفعل لحدما استوت اللوبيا
وطفيت الطباخ
ولمن اجت ماما كالت ها وليدي دبرتها؟؟
كتلهه اااي ماما شلون لعد
ولمن اجت عالجدريه كشفتها
كالت ولك وينه جدر اللوبيا
بس باقي شويه وييييييينها ؟
s=195s=195
كتلهه ماما كل شويه ارفع
وآكل منها ولمن استوت
اني شبعت منها
وطار الجدر :s=218:
هههههههه
النكات
(1)
فد يوم واحد كاعد بالمحل
خبله كلوب يشتعل ويطفي
يتقرب هم
الكلوب يشتعل وينطفي
اتقرب اكثر جان يلكي
اسود كاعد يعلج
ههههههه
(٢)
محشش جالس جنب امريكي
مد المحشش للأمريكي سجارة
كاله ما أدخن
مدله خمر كال ما أشرب
كاله المحشش
عجل على شنو كافر
هههههه
(٣)
محشش جاه أرق كال لصديقه:
شلون انام؟
كاله :عد ل500 ويجيك النوم
كام عد ولما وصل ل499 نعس
كام غسل وجهه وكمل
ههههههه
(٤)
محشش يحجي لمرته
هلكد شاركت بمعارك وانتصرنا
وهيجي ضربنا العدو
ومره بطلقه وحدة كتلت
خمسين واحد كلتله مرته
هيج انت شجاع ؟
كللها اي واللة
حتى اتذكر
بوحدة من المعارك استشهدت
خخخخ
ههههههههه
(٥)
اكو واحد غبي خطف بنت غبية
بنص الطريق صارت تعيط
كاللها اتسكتين لو انزلج؟
كالتله يله راح اسكت
ههههههههه
في الختام أشكر الاخ الجميل
عاشق من الزمن الجميل
للاستضافه
وأتمنى أني كنتُ ضيفاً خفيف الظل عليكم
وكانت المواقف وسردي لها يمتاز
ببرائة الطفوله حينها
واعتذر عن أي لفظ خارج عن الذوق
لكن كانت الغاية اسعادكم
وسرد كل شيئ ببساطته
كي يكون أجمل..
لكم مني محبتي وأرق وأعذب التحايا
s=115
صاحب السمو
الي اللقاء في حلقه جديده وضيفه او ضيف جديد
بمشيئة الرحمن..مع اعطر التحيات
ملاحظه
سيتم تكريم ضيوف البرنامج الاعزاء
٥٠٠مشاركه و٥٠٠٠ نقطة تقييم مع توقيع
وابواب البرنامج مفتوحه لكل من يحب ان يكون
ضيف غالي علي البرنامج ويساهم في اشاعة
روح الفرح والبهجه والسرور في اجواء المنتدي
ههههههههههه
صاحب السمو ...
اتصور الكردي من لزمك وانتة بين ايديه
يمكن على اثر الكتلة مازرت الشمال ليومنة هذا
ههههههه
استمتعت جداا ياصحب السمو
ربي يرحم الوالدة
شكرا لك والشكر موصول لعاشق
XenTR Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
