احبائي اعضاء وزوار
منتديات فخامة العراق
السلام عليكم ورحمة الله وبركاته
يسرني جدا
ان اضع بين ايديكم الحلقه الثانيه من البرنامج
منتديات فخامة العراق
السلام عليكم ورحمة الله وبركاته
يسرني جدا
ان اضع بين ايديكم الحلقه الثانيه من البرنامج
إشاعة جو من البهجة والمرح والألفة
بين الاعضاء
بعيدا عن الروتين وضغوطات الحياة
حيث سنقوم باستضافة
أحد الأعضاء ((من الجنسين))
ليحدثنا عن مواقف طريفة حصلت له
في أي مجال من مجالات الحياة دون خجل
على أن يختتم مشاركته بذكر
بعض النكات الجميله
ويسرنا جدا ان يكون ضيفنا لهذه الحلقه
عضوه متآلق في سماء
منتديات فخامة العراق
وله حضور رائع
انه
عضوه متآلق في سماء
منتديات فخامة العراق
وله حضور رائع
انه
b=35
فأهلا وسهلا به ضيفا غاليا على البرنامج
الموقف الاول
b=138
أيام كان عمري بحدود 12 او13 عام
صار في بالي اعمل مرجوحه بس منين الحبل
منين الحبل مااعرف اذكرت اكو حبل
سحب في صندوق السياره مال الوالد
رحت للصندوق طلعت الحبل بغلسه
وللسطح وأشده في النقشات الي في الستاره
من الزاويه بين الجهتين
[FONT="]
[/FONT][FONT="]
وبديت اتمرجح واختي الصغيره تهزني
واني اقشمر عليها تهزني عشره مرات
أهزها عشر مرات لكن من تقرب للعد
اخربط العد اعيط عليها تخاف من عندي
نرجع نعد
هههههههه
مرت يومين سمعت الوالد دخل السياره للبيت
ونزل ويسائل الوالده الحبل
الي في صندوق السياره ماكو
عرفت الخطر قادم كلت كلت لاختي
صعدي تمرجحي اشرب ماي وارجع
نزلت داخل البيت لكيت الوالده
تدور بالحديقه على الحبل والوالد
متخوصر وواكف
سالت الوالده على شنو تدورين
كال الوالد حبل في صندوق السياره
شفت من اخذه كلت لا ماشفت
بس ( فلانه) أختي
شفتها على السطح تتمرج على حبل
كال اها خل اشوف
فاني بقيت قريب من الوالده
بعد برهه من الوقت
واسمع الصياح نزل من الدرج
هههههههه
ألموقف ألثاني
b=138
في الدراسة الابتدائية بصف السادس
كنت ضمن فريق المدرسه حارس مرمى
وكانت بطوله المحافظة للمدارس الابتدائيه
وكان النهائي مع فريق اخر
وكانت النتيجه لصالحنا 3-2
وفي الدقيقتين الاخيره طلبت من الدفاع
يرجع الطوبه الي لكسب الوقت رجعها
بس ياويلي ماعرف عبالك الهوا
غير اتجاهها ودخلت من بين رجليه
وللهدف عدل
وتم التعادل وبضربات الجزاء خسرنه
وياكاع انشكي وابلعيني
بقيت أسبوع مااطلع
ههههه
الموقف الثالث
b=138
هذا الموقف ماصارله هوايه
كان في إشكال مع دائرة
بموضوع مع دائرتنا والموضوع
يخص القسم الي اني بيه
عرفت من المعتمد
بان سبب المشكله
موظف اسمه صفاء كلت خلي اتصل
مع رئيس القسم في دائرة صفاء
اني اعرفه وهوصديق اتصلت بي الو ابو علاء
شلونك اخويه
اخباركم اموركم المهم مقدمات السلام
بعدين كلتله أبو علاء مو عيب
هل الحجي بينه والموضوع
ميستاهل عيب يااخي
فكال والله يااخي غير صفاء مايقنع
كلتله شنو صفاء يريد يشيخ بروسنه
والله أجي اكسر ظهره
هو راسا كالي اخويه خلدون
تعال انشوفك ونسلم عليك واشربلك
استكان شاي ونفضها
كلت يااخي والله مشغول والشغل هواي
كلي الشغل ميخلص الله عليك تعال
رحت الهم من دخلت غرفته سلمت
كال استريح كلت لا مااكعد خلي اشوف
هذا الي اسمه صفاء هو عنده كرسي
دوار افتر على اليمن وجان واحد واكف
او منتجي على دولاب حديد
طوله قريب المترين وراسه فيه طشت لحم
صدره عرضه شويه اقل من متر
وجهه وجه بود سبنسر عيونه مخيفه
كاله صفاء اتفاهم مع خلدون على ذاك الشغل
اني مباشرة كلتله هلوو صفاوي بعد روحي
اذا ممكن بس اوضحلك
ابو علاء اتمدد على الميزمن الضحك
كال مو تكول أجي اكسر ظهره
كلتله الي عرفته اسمه صفاء كلت صفاء
اكيد ناعم رقيق مو هذا الوحش
وبدا الضحك طلعوا متفقين عليه
من كلت اجي اكسر ظهره
مسويها الي كاميرا خفيه
هههه
بعدين فضينه الموضوع بسلام
وهسه اني او صفاء اصدقاء كلششش
ههههههه
النكات
(ظ،)
[FONT="]وحده ضيعت ابنها بالسوك
وكاعد تدور عليه وتبجي سالها رجال
شكو تبجين كالت ابني ضائع كال لاتهتمي
اذا ابن حلال يرجع كالت ياويلي ابني راح[/FONT]
هههههه
(ظ¢)
اكو واحد تزوج
نانسي عجرم
ورة مدة راح الى امام الجامع وكله
أريد تطلكني من عدها لان لاتصلي ولا تصوم
كله امام الجامع يمعود رمضان يروح ويرجع
بس هذي اذا تروح بعد مترجع
ههههه
(ظ£)
وحدة تحچي بالتلفون
نص ساعة و خلصت المكالمة..
زوجها گاللها: غريبة ... إنتي
كل مرة تحچين ساعتين بالتلفون !!
.
.
... .
.
.
گالتله: لا مو الرقم غلط !!!
ههههههه
ان كيدهن عظيم
(ظ¤)
محشش يحجي ويا مرته
حاضر يا حياتي
حاضر يا عمري
حاضر يا قلبي
حاضر يا روحي
اخوه كاله :
أول مرة اشوفك تحجي ويا مرتك هيج
ومن شوكت تحجي وياها بالطريقة هاي
رد عليه المحشش :
لك اسكت صارلي اسبوعين ناسي اسمها
ههههههه
(ظ¥)
اكو وحدة سلمت على واحد شايب
كالتله شلونك حجي
كاللها اني مرايح عالحج اني رايح عالعمرة
كوليلي شلونك عمري
ههههههه
(ظ¦)
جذاب كال لمحشش :
تصدك اني من رحت لافريقيا
جنت نازل بفندق بنص (تحذير رابط هكر لاتضغط عليه)
فتحت الشباك مرة لكيت المنظر يخبل
كلت لمرتي لبسي خل نطلع نتمشى بالغابة .
لبست ب5 دقايق و نزلنا
و احنا دا نتمشى طلعلنا نمر يريد ياكلنا
ركضتله و دفرته برجلي موتته بمكانه
ورة ثواني طلعولنا 5 اصدقائة نمورة
يريدون ينتقمون منا
بوكس منا بوكس منا انتهوا
المحشش كاله خرب ببليسك
الجذاب كله : شبيك ؟
المحشش كاله :
انهجم بيتك شكد جذاب
.يعني تريد تقنعني مرتك لبست ب 5 دقايق
هههههههه
اتمنى ان اكون قد رسمت البسمة
على وجوهكم
وعذرا اذا كان الطرح لايناسب اذواق البعض
تحياتي وتقديري
رماد انسان
الي اللقاد في حلقه جديده وضيفه او ضيف جديد
بمشيئة الرحمن..مع اعطر التحيات
