برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

[وهج الحروف🔥]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

برنامج جميل
مع الاخت الفاضله
نورس
استمتعت بالتجوال في محطات حياتها
وكلبي ع ابن الجيران وكصته المجروحه ههه
بس ماعرفت منو الي كان تخلصك من عقوبات المديره
لان المعلمه كلثوم تدزك للمديره
طيب منو كام يرجعك ؟

ممم همزين عرفت ام كفشه
ومهما يكن ارحم بهواي
من عصفورة جبروت هههه
اختي نورس اتمنى لك التوفيق في حياتك
وشكرا للعزيز سامي
على تقديم البرنامج
تحايا وود.

 

[العذبه]

رد : برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

هههههههههه
نورس ضيفه خفيفة ظل وروح مرحه
الله يحقق كل الأماني والتوفيق بحياتك
اخوي عاشق المبدع دائما
شكرا لك ولمجهودك الجميل والرائع
وباانتظار جديدك الشيق

 

[نورس]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

أخواتي وإخوتي أعضاء وزوار
منتديات فخامة العراق

السلام عليكم ورحمة الله وبركاته
رمضان كريم عليكم وعلى عوائلكم الكريمه
ويسعدنا ويسرنا جدا بأن نضع بين أيديكم
حلقة جديده من البرنامج
الهدف من هذا البرنامج
هو إضافة فسحة من التغييروكسرالروتين
وتلطيف الأجواء وزيادة أواصر التعارف والأخوة
داخل بيتنا الجميل
منتديات فخامة العراق

​

وفكرة البرنامج
تتلخص بأن تستضيف أسرة البرنامج
أحد أعضاء المنتدى من الجنسين
ليقوم بسرد أهم وأبرز
ذكريات وأحداث ومحطات حياته
بشكل سلسل وجميل بدءا من أيام طفولته
والى حد يومنا هذا
وكأنه يكتب قصة حياته وبدون رتوش

​

وسنقوم بتحديد محاور
الحديث والأسئلة للضيف
وتتركه يتحدث
بدون حاجة أو ضرورة لطرح الأسئلة
عليه من قبل الأعضاء
لكي يكون الحديث
متسلسلا ومركزاعندما يبدأ بسرد
تأريخ حياته مرورا بأبرز محطاتها
من أجل أن يتعرف أعضاء المنتدى
على الضيف أو الضيفه

​

​

​

ويسعدنا ويشرفنا أن تكون ضيفة
هذه الحلقه من البرنامج
عضوه متآلقه في سماء الفخامه
بحضورها الجميل والمميز
سنحاول أن نتعرف على اسرارها
وقد سمحت لنا مشكوره
بأن نشاركها ذكريات حياتها وأبرزمحطاتها
إنها

​

​

​

​

​

​

​

نتركها لتستعيد ذكريات حياتها ولتحدثنا عنها

​

​

​

​

​

​

​

​

احلى مرحلة مريت بيها مرحلة الطفولة
على الرغم من الاوضاع الي جانت
لكن جانت حياتنا حلوة
خالية من المسؤلية والهم ..
عندي اخواتي متقاربين وياي بالعمر
اضافة الى بنات الجيران وكنا كل عصرية
احنا نجتمع ونلعب
بيتنا او بالشارع
حسب مايكولون اي جنت شقية شوية
وجنت معذبة الوالدة همين ^_^
واتذكر مرة من المرات ابن جيرانا جان كلش شقي
طلعت اني واختي وجان هو يشمر علينة
حجارة زغيرة واني ضجت و شمرت علية حجارة جبيرة
واجت بين عيونة وانترس وجهه دم
واجوي اهلة علينة وصارت مشكلة جبيرة
ههههه
المهم عدت الحمد لله بس اعتقد ليهسة
الولد يدعي عليه

​

​

​

​

​

​

​

هوايه اسماء الدلع مالتي
من جنت زغيرة نونة ولجونة
وبيبيتي الله يطول بعمرها تسميني ليهسة لجنة ^_^
وبيت جيرانا يسموني بطة شنو الربط مااعرف
هههههه

​

​

​

​

​

افلام الكارتون جنت اشوف نيلز وساندي بيل
وسندباد..وبينكي وبرين وغيرهم هواي
اغاني مااذكر الا النشيد الوطني جانت الوالدة
تنطيني فلوس حتى بس اقراه
هههههه
لان جانت عندي لدغة بالاحرف لهذا تحب تسمعه مني
بس راحت الحمد لله ^_^

مدرستي الابتدائية هي المدينة المنورة للبنات ..بالناصرية
اي اكيد اخاف من العقوبة بس هم جنت اتعاقب
ههههه

​

​

​

​

​

كثيرر المواقف صارت وياي بهاي المرحله
واحد منهم جانت معلمة العربي ست كلثوم
الله يذكرها بالخير هواي جانت تحبني
جنت احيانا اتعاقب لان جنت شوية حركة بالصف
فيدزوني للمديرة هي جانت تشوفني
بالطريق رايحة للمديرة ترجع ترجعني ع الصف
وتكل للمعلمة تعاقبت واني جذب مامتعاقبة
يمكن نقذتني 3 مرات من العقوبة
هههه
اكيد اتمنى ارجع طفلة مسؤولية ماكو ولاهم
ولأن تقريبا احلى فترة بحياتي هي الطفولة

​

​

​

​

​

​

​

​

​

​

​

​

​

​

مرحلة المراهقة اختلفت شوي عندي
لان اغلب هاي الفترة اني عشت بعيدة عن والدتي
لهذا جنت مطيعة الها واي شي تكلي اسويه
جنت اشوفها بالشهر مرة او مرتين بحكم البعد
بس هواي تغيرت وصرت اعقل وانضج بهاي المرحلة
الحمد لله ماكو مشاكل وان كانت فهي بسيطة

​

​

​

​

ابدا ماعاكست ولد الجيران كانو همة يعاكسوني
من باب المزح لان جنت احسبهم اهلي مو بس جيراني
مامريت بقصة حب ابدا بالعكس كنت شوية معقدة
من هاي الناحية بفترة المراهقه
جنت اشوف الحب او الاعجاب شي غلط

​

​

​

​

ماعندي هوايات محددة بس كنت احب كرة القدم
ومتابعة الها كلش هواي
جان اذا عندي امتحان ويصادف ويا الاكلاسيكو
بين الريال والبرشا اعوف الامتحان واشوف اللعبة
هههه​

​

​

​

​

​

​

​

​

مرحلة الشباب اصعب مرحلة مريت بيها صدقا
يعني هاي شكم سنة فعلا كبرتني
احس اني بعمر السبعين
كلشي تغير بيها

​

​

بعدني مالكيت فارس احلامي
الظاهر ضيع الطريق المسكين او وكع من الفرس
وانكسرت رجله ههههه
..الحمد لله

​

​

الحمد لله تخرجت من كلية الادارة والاقتصاد قسم المحاسبة
بس ماكان هذا طموحي
صارت ضروف عندي وانتقلنا من محافظة لمحافظة
لهذا قبلت بالامر الواقع وداومت

بالنسبة للمستقبل اكيد انظر اله بنظرة تفائل وأمل
لان مابيدينا شي غير نتفائل وندعي ان شاء الله
يكون افضل​

​

​

​

وي الطبخ والله مو تمام اني
يعني اعرف اساسيات الطبخ بس مااطبخ
هسه برمضان احيانا اطبخ بس وياي الوالدة
هي توجهني واني اطبخ ..شوي شوي والله كريم^_^
بالنسبة للاكلات الي احبها..الدولمة والاندومي همين

​

​

ملابسي اني اختارها ووالدتي تختار وياي
واحيانا اخواتي يساعدوني
احب كل الالوان ماعندي لون محدد

​

زرت كربلاء والنجف وبغداد والحلة والبصرة
بس البصرة كانت زيارتي سريعة اتمنى ارجع
ازورها لان احبها
(والناصرية والسماوة ) اني ساكنة بيهم فما ينعدوا​

​

صراحة كنت بمنتدى ثاني كان على وشك ان نغلق
دعاني لهنا صديقي واخوية الغالي (البابلي) وسجلت هنا
صار اربع سنوات تقريبا ..

برنامج هذه حياتي من الفقرات المميزة عندي
وكل برامجك ومواضيعك اني احبهم
انت مبدع اخ سامي كلشي منك مميز

اهم الامنيات عندي لحد الان لم تتحقق
.اتمنى تتحقق بالمستقبل ان شاء الله
أملي بالله كبير

شاعر مميز من شعراء الفصيح ماعندي
لكن عندي قصائد مميزة وأبيات احبهم
اما شعراء الشعبي
اكو شكم شاعر وخصوصا الشاعر
(ايهاب المالكي احبه كلش هواي )
نجمي المفضل عراقيا وعربيا ابو وسام كاظم الساهر
..واحب حسين نعمة همين وياس خضر
عالميا جوني ديب ..توم كروز ..أمليا كلارك

الحكمة الي أؤمن بيها من اقوال الأمام
علي عليه السلام
(أحبب حبيبك هونا ما عسى أن يكون بغيضك يوماً ما،
وابغض بغيضك هوناً ما عسى أن يكون حبيبك يوماً ما.)

طقوسنا برمضان داخل العائلة ماتختلف هواي
مثل كل سنة لكن مو مثل قبل
.قبل كنا وي جيرانا نتبادل الاكلات والزيارات
هاي الفقرة اختفت

قد يتسائل البعض عن علاقتي بالانمي
الانمي هاي الي بالرمزية احبها (الاميرة مريدا )
واحب شكلها وكفشتها
وبشل عام الانمي اشكالهم حلوة ولطيفة
على الرغم بسببها
اغلب الاعضاءحسبالهم اني صغيرة بالعمر
او شخصيتي طفولية
بس مالها علاقة
الانمي للصغار والكبار

واخيرااكول رمضان كريم عليكم وربي يحفظكم
ويسعدكم ويحفظ الكم احبابكم
واتمنى ان اكون ضيفة خفيفة عليكم
وشكري وامنتناني الك أستاذ سامي
ع المجهود الرائع والمميز ..ربي يحفظك

نورس

الي اللقاء في حلقه جديده وضيفه
او ضيف جديد بمشيئة الرحمن..مع اعطر التحيات

سيتم تكريم ضيوف البرنامج الاعزاء
ب2000 مشاركه و20000 نقطة تقييم
وابواب البرنامج مفتوحه
امام مشاركات جميع الاعضاء
ليكونوا ضيوفا غاليين علي البرنامج

​

​

​

اخي سامي كلمة الشكر قليلة بحقك
تعبناك ويانة
وممنونة ع الاستضافة الحلوة
الي الشرف اكون ضيفة من ضيوف برامجك الحلوة
ربي يحفظك ويسلمك يامبدع

s=94s=94s=94s=94s=94

 

[SaMaR]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

مراحل جميله وممتعه عزيزتي نورس
اتمنى لك التوفيق والسعاده

شكرا سامي ع المجهود المميز
كل مواضيعك تعمل على خلق تفاعل وروح حلوه بالمنتدى

 

[نورس]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

ماشاء الله محطات حياة روعة استمتعت

بأحداثها وكأنني عشتها بحلوها ومرها

حبيبتي نورس الله يسعد قلبج ان شاء الله

جميلة هي مراحل حياتك بحلوها ومرها

تستاهلين تقييمي ونجومي واعجابي ومودتي
اخوي الورد عاشقنا تسلم وايد عالموضوع الرائع
بساتين الجوري لروحك

ياعمري فتون

حبيبتي ويسعدج ان شاء الله
شكرا ع الدعوة الحلوة ..ربي يحفظج
ولايحرمني منج تسلميلي
ونورتي :x

 

[نورس]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

نورس
جميله هي محطات حياتك
رغم ان فيها الكثير من المعاناة
وهذا كما هو حال الجميع
دمتي بخير..
وان شاء الله فارس احلامج
يندل الطريق لان ال gps موجود
هههههههههه

وترى عذريني اخاف خاني التعبير
لان الظاهر انتي خوش تنيشنين بالحجار
والخوف رحمه مثل مايكولون
ههههههههههه

العزيز عاشق من الزمن الجميل
كم أنت متألق لامع
وكم أنا فخوور بمعرفتي لك
وانتبه الفخور لا يجويك
ههههههههههه

هههههههههههههه
والله ضحكتني خوية بسالفة ال gps
لا ولو لاتخاف عقلت بعد ماانيشن
بطلت شقاوة كبرت بعد هههههه

ممنونة منك اني اخوي الطيب
ربي يحفظك ويبارك بيك

نورتني ياوردs=94

 

[نورس]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

يا شقية طيرتي عيون الولد=))=))
اسف واعتذر واسحب كلامي لان اخاف تطير عيونيx_x
بنت ولايتي كان سردك رائع وحياتك جميلة مليئة بالمرح
ربي يسعدك بكل حياتك وشكرا لان سمحتِ نطّلع على ذكرياتك
شكرا سامي.. دمت بهذا الابداع

ههههههههه
شفت شلون ..ليهسة حاقد علية المسكين
لاولو لاتعتذر مو اي احد اطير عيونة هههههه

ابن ولايتي الطيب
تشرفت بيك والله..شكرا الك
ربي يحفظك ويوفقك s=94

 

[نورس]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

طريقة السرد لرحلة حياة نورس جميله
وهكذا هي الطفوله لاتخل من المعاكسات
والتصرفات التي لاتحسب غير انها من مرحلة الطفولة
نتمنى ل نورس الحياة السعيدة والموفقية وان تجد فارس
احلها او يجدها وهو لا واكع ولا مكسور هههه
يسلمووو اخي سامي على الجهد والاختيار

ههههههههههههه حت لو على كرسي متحرك يجي هههه

فدوة لقلبك اخوي خلدون
والله نورتني ربي يسعدك ويسلمك
ممنونة منك اني ياورد

s=94

 

[نورس]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

(نورستنا الجميلة أسال الباري جل في علاه ان يحقق لكِ كل ماتتمنين )
وان تنعمي بكل خير وسعادة وسرور
امممم(لجنة ) عجبني الاسم
ههههههههههههههه

سامي الطيب

مميز انته كما عهدتك
لاحرمنا الله ابداعك

اللهم اميين يارب
ويسعدك ويحفظك يارب
شكرا ع الدعاء الحلو استاذي الغالي

(لجنة) واني هم اكثر اسم دلع حبيتها ..من ذوقك هذا والله

ربي لايحرمنا من طلتك البهية استاذ
s=94 s=94 s=94

 

[نورس]

رد: برنامج هذه حياتي..تعالوا احبائي لتتعرفوا على ذكريات وابرز محطات ضيفتنا الغاليه..نورس

صديقتي الغالية
نورس

سرد رائع
ربي يحفظج حبيبتي ويسعدج
ويحقق أحلامج

عاشق
شكراً لاختيارك ولمجهودك الرائع

دمت بود

امين يارب
ويسعدج حبيبتي ويحفظج كلج ذوق
فدوة لقلبج اميرتنا الحلوة
نورتيني والله
شكرا ياعمري

:x:x:x