بلابل هور

[سعد العراقي راقي]

رد: بلابل هور

نعم ادري شوكت باللحظة كمت اهواك
وانساك شوكت تعذرني ماادري






م ن

 

[سعد العراقي راقي]

رد: بلابل هور

يبو شفايف عنب وسط البساتين
وغير شفايفي مارايدله سله
مثل شارع الروضه وحلة اطفال
شعرك على متونك من تحله
عينك حمورابي ورمشك اشور
أذن عينك مسله بنص مسله
ويلطولك سواتر بالهجومات
وعلى زنودك تشيل الجيش كله







م ن

 

[سعد العراقي راقي]

رد: بلابل هور

دولبت البشر خبلت كم انسان
وكم عاقل سحرته بنضره خبلته
حتى الجني حبك شافك انجن بيك
ادري الجني هذا شلون جننته؟؟؟؟؟






م ن

 

[سعد العراقي راقي]

رد: بلابل هور

اظل ناطور حبك طول الايام
واضل سهران احلم بس احاجيك
انه جفوني قطار ودمعي ركاب
كلهه تصيح نازل بس الاكيك






م ن

 

[سعد العراقي راقي]

رد: بلابل هور

تعال انطيك گلبي وشوفني شلون
الك اشتاك وي كل دگه منه
ولك لا بيك طيب يجيبك لملگاي
ولا هزتك فد يوم المحنه
واني شبيه عود وليش مهتم بيك
وانت الحبك عيونك نسنه
اذا بالجنة عايش وانت مو وياي
احسها تصير نار وماهي جنه
ولك لا توب منك لا امل طاريك
وانت سوالفك عقلي خذنه








م ن

 

[سعد العراقي راقي]

رد: بلابل هور

گدرت الحزن للرگبة صار وياي
وگدرت الفرح ماوصل يم زندي
وگدرت الحزن شفته على طولي يلوگ
ومفصل عليه وصاير بگدي
ومن ظيم العلي ظليت أبيع إهموم
وأسعار الهموم إمسجله بخدي
الرايد حزن ياخذ حزن بالدين
والرايد فرح يعذرني ماعندي











م ن

 

[سعد العراقي راقي]

رد: بلابل هور

تعال بلا عيون النوب لو مريت
لان كل البلاوي من وره عيونك







م ن

 

[سعد العراقي راقي]

رد: بلابل هور

انه خلافك دمع بعيون الايتام
ماخليت خاطر ..... ماكسرته








م ن

 

[سعد العراقي راقي]

رد: بلابل هور

گلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية








م ن

 

[سعد العراقي راقي]

رد: بلابل هور

الك ياصاح ماظل مني خاطر
واحسبه احساب دربك من اخاطر
تعال اگرب حبيبي مني خاطر
تعرف اجنون حبك اشسوه بيه







م ن