بلابل هور

[سعد العراقي راقي]

رد: بلابل هور

اركض بالبحر هين من تگطعه
گلب ولفك خطيه من تگطعه
لان ساكن بنصه منته گطعه
لا كله جنت يالخنت بيه







لي

 

[سعد العراقي راقي]

رد: بلابل هور

هلا يالمشرج بروحي بلاهم
شريتك والخلگ كلها بلاهم
واحسك فرحه من يكبر بلاهم
صرت انت البلى واوجرت بيه










لي

 

[سعد العراقي راقي]

رد: بلابل هور

تعال الناس متصوره بسيط البينك وبيني
تعال براسي ماظل راي مرة براي خليني







امين ابو غربان

 

[سعد العراقي راقي]

رد: بلابل هور

اجهل الاخاديد الا خديك
شفتاك خمره
لا بل جمره
حمراء ساخنة توقدني شفتيك
-----------
مو خد بساتين الورد
يجرن عطر بخدودها
الشفه حمرة من الجمر
راوي وحلو ياتوتها








لي

 

[الاميرة الانبارية]

رد: بلابل هور

ضحكوا من لگوني بظلمة مرتاب
وحيد وفزّعت وسمعوا صوتي

رموني ابير لكن فكني الذيب
كفو يالذيب ارحم من اخوتي

ما خذت العلم من شور الزغار
ولا انياب السبع حرمنّي قوتي

اعدّيهن ثگال ويمطرن غيض
واگل للما تعدّي ويايَ فوتي

وأحترم الصريح واكره الذيل
واموت من المصوفر والسكوتي

أبيع الباعني ولو رد لي شرّاي
ما آمن بعد واحرگ كروتي

الما وگّع دمع من شافني اهناك
دمع ماريد منّه بيوم موتي

#مأمون_النطاح

 

[سعد العراقي راقي]

رد: بلابل هور

ضحكوا من لگوني بظلمة مرتاب
وحيد وفزّعت وسمعوا صوتي

رموني ابير لكن فكني الذيب
كفو يالذيب ارحم من اخوتي

ما خذت العلم من شور الزغار
ولا انياب السبع حرمنّي قوتي

اعدّيهن ثگال ويمطرن غيض
واگل للما تعدّي ويايَ فوتي

وأحترم الصريح واكره الذيل
واموت من المصوفر والسكوتي

أبيع الباعني ولو رد لي شرّاي
ما آمن بعد واحرگ كروتي

الما وگّع دمع من شافني اهناك
دمع ماريد منّه بيوم موتي

#مأمون_النطاح

تسلمين الاميرة
نورتي مدونتي المتواضعه

 

[سعد العراقي راقي]

رد: بلابل هور

مريت يمك حمد نفسك هذاك انته
وانا المخبل ذاك الماينسه سالفته
وابياتي غدت ماتشبع الجوعان
من اكتب حرف ينشدني ع البسته










لي

 

[سعد العراقي راقي]

رد: بلابل هور

عليل وشح دوه علتي دواها
شطفي النار واعزازي دووها
بدواهي الوكت دولبني دواها
مدولب مثل مغزل يفر بيه







لي

 

[سعد العراقي راقي]

رد: بلابل هور

هجرك اكل كل روحي وبالاي
مزمن ينخر بعظمي وبالاي
بالك تنشد الشامت وبالاي
فرح شماتي من تنشد عليه









لي

 

[سعد العراقي راقي]

رد: بلابل هور

اضحك بالچذب گدام كل الناس
بس الصدگ ناري المارضت تبرد
يصل بيه صليل ايلول رجفة ليل
يحد بعظامي عشگك خنجرومبرد
كل يوم اليمر انفض گوامة غيض
وباچر من يجي لازم احطلك حد
وچم باچر مضت ايامي بس لسان
توگف طيبتي بيني لبينك سد
وانسى البدر منك وامسح التاريخ
گلب سمچه واسامح بالوفى مسرد
ابيض گطن گلبي مايشيل احقاد
كلش مثل وجهك يبو گلب اسود




لي