بيش اعذرك ..؟

[آهات حالمه]

عالي وتغثني الگناطر ..
ولبلامه الناصيه مكيفه جزتني !
لاچن انه الواضح بشوف البعيد
يرفرف شراعي اعله متني
وكلها مني !!!
سيرت غبشه اعله ضلمتهم ، حسافه
الميت اعله السجه كاتلته المسافه
وكلها مني.. !
سولفت روحي على المايفتهمني ؟
عيد عيد الوادم يخلص حزنها
وانه اناطر گلبي يندگ
يمته ؟ يخلص حزني واعشگ
يمته ؟ اشوفك
يمته ؟ طيفك ينلزم
يشورن امن يطيحن ادموع الزلم :
استاحشت كل خلقت الله ! خلاف وجهك
غيم تمطر عالبساتين الغريبه بيش اعذرك ؟
بيش اعذرك ..؟
وانت گبل لبيش بايعني برخص .
وگلبي مو مفتاح كلما تفك بابك ينگرص
وآنه مو تابوت ..
ليش يصير رزقي الرايحين ؟!
هدوم يوسف جنت عندك
وهسه وين ..
چف غريب يخاف من يدگله باب !
وادري عاشوري حزن مابيه ثواب
وذني منك ؛
كسر عمدان المساحي
وبيدر الهم
والطبيب الطر خيمنه
والمشو
والبقو يمنه
والنشد
والضحك
وفطور السواجي
وصحبة الشيطان
ودموع المحنه
وفلتت السباح
والدخان
ومناغه القصايد
ذني منك !!!
ليش اغث المالهم شغله بعذابي
وليش ادنگ يم هلي ”ريشة ذيول“
ومن يسالوني؟
اتيه بديره مابيها عذر
وهنه منك
بيه كل اليوجعنك
اكتب ومايوصلنك !
حاظن جروحك واغني
مثل حاجات اليموت اعزاز ذني




عباس المشبك

 

[الرااااكد]

آهات حالمه
يعطيك الغافيه
على النقل دمتي
بسسعاده لاخلا ولاعدم

 

[رمااد اانسان]

اختيار موفق يستحق الشكر والثناء
سلمت يداكِ على النقل والمجهود
أرق تحية طيبة

 

[آهات حالمه]

شكرا للمرور البهي الذي عطر المكان
ارق التحايا