رد: بيــن الحنـــايـا...نبــض
مدري شلون طبيتي المداين كلهه لبروحي
وسكنتيني
يهنيالج
ولا غيرج حلا بعيني
خذيتيني اعله گد روحي
ولا ادري ليگود بجفي جان انتي
اظن حبل المشيمه انتي
ولا مستغرب جفوفج
يهنيالج ولا خفتي
سحگتي دروب روحي لماا گمر مرهه
وضلامي لخوف للگمره
وشعلتي دموعج بروحي
يشمامة هلج فوحي
الضميني بلك طشرني جف الريح
خيطيني عله نفنوفج
اروح لياگمر باهت اذا عوفج
لگيت بضحكتج دنيه
ودمع جوري ونهر ممتد عله زلوفج
ولكيته امدد السباح فوگ لنده لبجفوفج
يهنياله لحضه بشوفج
( يگمره صيف )
انتي اول واخر طيف
لابعدج ولا گبلج گمر بيه
ياول واخر بنيه
يترچيه وغفت بزلوف بدويه
ستحن من حسنج الحلوات
ياشمه
اضن زلفج وخيط لصبح صارن توم
اضنج من بطن نجمه
ولا صدگ بشر من طين
اجيسنج وگولن مو صدگ رسمه
شحط لعيونج وسواهن هلالين
سبحانه ودخيله