هذي هي الدنيا حظوظ وتوافيـق
امـا وطـاك الحـظ ولا وطيتـه
تعيش في غيبوبه الوقـت وتفيـق
شـي تذكرتـه وشـي نسيـتـه
بس الوكاد انه بعد نشفت الريـق
مالك سـوا بنيانـك الـي بنيتـه؟
تدرون ويش أحلا من البرق لا لاح
وبل المطـر لا هل فيه أبـرديـه
وتدرون ويش أحلا من السيل لا ساح
نـبـت الـفـيـاض ودلة شـاذلـيـه
وتدرون ويش أطيب من الطيب لا فاح
شـوف الـرجـال اللي لهـم قـابـلـيـه
وألذ وأعذب من تفاصيل ما راح
سـجـودك لـمـرضـاة رب الـبـريه"؟
برق يجنّب عنك لو كان به نور
بالك تخيله لو ربيعك شفاقة
ترى الرجال بْهُمْ تمازيح وغرور
ومن قبل عرفه لا تحطه عشاقة
من لا يشورك لا تقدم له الشور
ومن لا توده ريف عينك فراقه"؟
الطيب والشرس واللعوب.
لي صاحبٍ مملوح مع نزل مسـروح
يلعب بقلبـي لعبـة مضيـم ضاحـي
وشميت لي ريحٍ خطيرٍ على الـروح
ريحـان والريحـان سـمٍ ذحـاحـي
إلا أن حبك تقضيـة وقـت ومـزوح
قلها على المكشوف وأطلق سراحـي
ما يشبع الجيعان مـن ريحـة الفـوح
ولا يزي الضميان شوف الضحاحـي"؟