قم سو فنجال ترى الراس منداش
لعيون من قرنه على المتن مرجود
في دلة مربوبة كنّها شاش
وبهارها مقدار خمسة عشر عود
والهيل حطه لا تَرَادَى ولو طاش
ومن الزباد اقنع على شذرة العود
نَبَيه كيفٍ للنشامى عن اللاش
واللاش لا فاقد ولا هو بمفقود"؟
يا ذا القمر.. قامت تغيِّر مساريك
يا بطي مطلاعك.. ويا سرع مسراك
طفت النجوم اللي من أول تباريك
ما شفت نجم بان قبلك وخاواك
قبل أمس.. أعدّ لك الليالي وراعيك
واليوم عني نازح البعد.. خفاك..."؟
سلام واللي مسعده ربي يواصل ويتجمل
وإن جات غلطه من عيال العود يصبر ويتحمل
ما هو بعيب اليا دمح غلطة بني عمه وكمل
العيب قطع الواجبه والظلم تشديد النفوس
والثانيه"؟
جينا ونسمع بالخيال اللي سمر برقه وهمل
وندور اللي شفه الرفقه وفالوقت يتأمل
بلكي يداوي جرح قلبه قبل يكبر ويتنمل
الحق قطاع المشاكل ما قطع لناس روس}