الا يالله اني طالبك طاعتك ورضاك
وعلم الياذكروا هل الخير نذكربه
انا في رجا عفوك وانا ملتجي بحماك
تفرج هموم القلب يافارج الكربة
اليا ذعذع الغربي وحرك غصون الراك
وناح الحمام وعالي الصوت يجهربه]
الا ياحمام الورق ماشفت والا جاك
ترى ينفع المهموم علم يبشربه
عن الدار واهل الدار والسر مايخفاك
غريب تحداه الزمان وقلع سربه
منول يجوز العذر للي يروح هناك
وانا اليوم مالي عذر ويش اتعذربه!