تبا لك ياموت نعم تبا وسحقا لك

[✿قہہمہہر✿]

تبا لك ياموت نعم تبا وسحقا لك
سرقت املنا وسرقت مستقبلنا
بل وسرقت حياتنا كلها تبا لك
صورة شاب يم اوّل محطّة انبا گن سنينه
أم تصلي يم الباب
نثية تسولف ويه الموت
طفلة متانيه الليل وفرا گينه...
بچه بوجوهنا الشبّاچ
نمطر دم
خذتنه النار واحترگت جناسينه
تطشرنا حرف من هذا , اسم من ذاك
ياهو اليقره أسامينه!؟..
وطن مايعرف شبينه..
گاع محزّمة بدمنه
وسمه تشرب سوالفنة وبواچينه...
يروحي العيد مو ذاك التعودنه اعلى ضحكاته
ولاذاك التعرفينه....
هذاك العيد بيه من كلشي صوغة ماي
وتذكرين لمن چان شطه يفيض ويغنّي بسواجينه....
وتذكرين من چانت الطيبة بكل وجه متعوب
من چانت گلوب الناس تتشابه ..گلوب ومن فرد طينة
من چان الصبح يندل ... گبل يندل يجي بوكته
ويطب للبيت ويشرّع روازينه....
من چانت نوايا الناس عالفطرة
الصد گ والشرف عالفطرة...
الضحك والخبز عالفطرة ...
الدمع والموت عالفطرة
من چانت بيوت الطين ترسم للوطن تاريخ
وتغنّي القصيدة المالحة السمرة....
گبل ما چان هيچ الليل
چان بكل صريفة يطشّر الگمرة….
من چان العشگ موصوف للفلّاح
چانت گاعهم و گلوبهم خضرة...
چان العيد
من چانوا اطفال الوطن محروسين بسم الله..
انسحگت قيمة الانسان
هسه اطفالنا الحلوين ينذبحون بسم الله
-

 

[رمااد اانسان]

رد: تبا لك ياموت نعم تبا وسحقا لك

مؤلم حقا لاتكفي الحروف لنقل الصوره كما هيه
حسبنا الله ونعم الوكيل ولاحول ولاقوه الابالله العلي العظيم

 

[آهاات حالمة]

رد: تبا لك ياموت نعم تبا وسحقا لك

لكم الله ...
سلمت يدآكِ
بانتظار قادمكِ
ودي

 

[صفاء]

رد: تبا لك ياموت نعم تبا وسحقا لك

عبق تلك الكلمات تناثرت بين ارجاء القسم
سلمت آنآملكـ اللؤلؤيه على هذه المُشآركه المتميزه
ذائقه مميزه... وكلمات راقيه
تحيآتي المطرزه بالورد ..~

 

[✿قہہمہہر✿]

رد: تبا لك ياموت نعم تبا وسحقا لك

نورتوااااااااااااااا