رد: تدري ..؟
تدري
عشر حقائق لاتعرفها عن مهنة التكسي في العراق ..
- العراق .. البلد الوحيد بالعالم اللي يشتغل بيه الطالب , والمدرس , والموظف , والشرطي , والجندي والمتقاعد , والمحامي , والخلفه , والحداد , والنجار , والكصاب , وابو المخضر وكل المهن الاخرى ( ماعدا الطبيب والقاضي ) مهنة سائق تكسي ( اضافه الى واجباته ) ..
- سيارة التكسي مو بالضروره تكون صفره وعليهه علامة taxi ..
- سائق التكسي ( الجبير بالعمر ) هو المطلوب ( شارعيا" ومناطقيا" ) ..
- اللي وجهه مو رحماني ينحصر شغله بالفرع اللي ساكن بيه والفروع المقابله والمجاوره ( ان كان حسن السيره والسلوك ) اما اذا كان مو خوش ادمي فـ يشوفله غير شغله هواي احسنله ..
- هورن بعض سواق التكسيات تعريف شخصي لهوية واخلاق السائق ..
- التراكسوت ( الرصاصي ) والشحاطه والخاولي و( الجل ) والدشداشه البيجي ازياء رسميه ( فلكلوريه ) لسواق التكسي في العراق ..
- سائق التكسي ( المحترف ) يحجي باليوم 25 ساعه بدون توقف ..
- سائق التكسي الصفره ( الكاشخ ) يثير الريبه والشك ..
- سائق السايبه الشاب هو الاخطر ( عراقيا" ) من بين جميع سواق التكسي ..
- يتم اختيار سياره التكسي من قبل المواطن بناء" على جهرة سائقها ..
