تظل ﭼـم دوب هاي أبيوتنه أزغار .. نخاف أبيوم هبة عاصفه أطيح
أشمالك يا فقر بسك عذابات ... صح عدلين بس منك مجاريح
صرنه أوداعتك بيدر خسارات ... خطيه هواي شتذري المراويح
سفينتنه أبحرت وسطه المتاهات ... بلايه أشراع ظلت لا ملاليح
بطلنه بعد ما نعلـﮕ أشموع ... إشما نشعل تطفي اشموعنه الريح
تحلمنه غنايه أنصير فد يوم ... أو وسطه أبيوتنه ننصب مراجيح
حلم ضاع أو سئلنه الناس يا ناس ... ما شفتو حلمنه الشافه أيصيح
ضحكو بس ضحك مو مال بطران ... ضحكات الحزن مليانه تجريح
ﮔـالو ذاك حلمك عاين أو شوف ... صار أهناك بحلوﮔ التماسيح
