تمشي حجايتي لو ردت امشيها
الباله سوالف يستلذ بيها
انا ابالي سوالف لاح بيهن شيب
يطلع راسهه ومستحه مغطيها
مسودن بالحجي بس عاقل من العيب
وين الكه المسودن مثلي وحجيها
يراد الحجي الموزين للمو زين
يراد وكلتهه وما مسويها
مرات الطفل ينطيك حل وراي
ومرات الشوارب ما تثق بيها
يعجبني النخل مادنك الفلاح
سلتك فارغه اصعد وحط بيها
الماعنده جرح لا يلجم المجروح
العين الماتقدر الكحله تعميها
بديلك نهر وضحك اذا عطشان
وكطرت مستحاتك لا تبديها
الرفعت راسهه من اول المركاض
تدري الفوكهه معدل وراعيها
يعجبني الكصب لو ناي لو ديوان
الرابي ويالمضايف يفهم شبيها
احجي ويالورد يفهم حجي العشاك
وحجي وي الشماته عشك يجويها
سرك مو نفس كن يختنك ترتاح
اخذ احجايتي وترجيه خليها
غشمه خوان يوسف سولفو البير
نسو بالبير حتى اسراره ينطيها
البجفه جمر عكس البجفه خوان
ولو بيهم اخو جفك ايلاويها
ولا تطلب شمس تترس شليلك صيف
اخزرها الشمس وصعد وجويها
ولا تكتل الشجره تصيرلك تابوت
وتاخذ ثارها من تموت تاليها
اليدايني دمعه اطيه عيون اثنين
واليدايني دمعه شلون اوفيها
(( مصطفى العيساوي ))
الباله سوالف يستلذ بيها
انا ابالي سوالف لاح بيهن شيب
يطلع راسهه ومستحه مغطيها
مسودن بالحجي بس عاقل من العيب
وين الكه المسودن مثلي وحجيها
يراد الحجي الموزين للمو زين
يراد وكلتهه وما مسويها
مرات الطفل ينطيك حل وراي
ومرات الشوارب ما تثق بيها
يعجبني النخل مادنك الفلاح
سلتك فارغه اصعد وحط بيها
الماعنده جرح لا يلجم المجروح
العين الماتقدر الكحله تعميها
بديلك نهر وضحك اذا عطشان
وكطرت مستحاتك لا تبديها
الرفعت راسهه من اول المركاض
تدري الفوكهه معدل وراعيها
يعجبني الكصب لو ناي لو ديوان
الرابي ويالمضايف يفهم شبيها
احجي ويالورد يفهم حجي العشاك
وحجي وي الشماته عشك يجويها
سرك مو نفس كن يختنك ترتاح
اخذ احجايتي وترجيه خليها
غشمه خوان يوسف سولفو البير
نسو بالبير حتى اسراره ينطيها
البجفه جمر عكس البجفه خوان
ولو بيهم اخو جفك ايلاويها
ولا تطلب شمس تترس شليلك صيف
اخزرها الشمس وصعد وجويها
ولا تكتل الشجره تصيرلك تابوت
وتاخذ ثارها من تموت تاليها
اليدايني دمعه اطيه عيون اثنين
واليدايني دمعه شلون اوفيها
(( مصطفى العيساوي ))
