تهجدات انسان في محراب الأحزان

[اسير الضمير]

رد: تهجدات انسان في محراب الأحزان

اكو واحد بالتسعينات من طلعت سالفة حجة عرعر راح وي الربع واخذ امه ومرته لهناك حجزوهم بعرعر فهو گاعد صاح لامه ومرته گاللهن يابه متصعدن على هاي التله تدعن رب العالمين بلكي تفرج ونروح نحج !!
صعدت امه تدعي گالت ربي مروتك اني جيت لبيتك وماغلطت بحياتي غير بهذا ابني واشرت على صاحبنه وهو كاعد جوه التله يسمع وهي نزلت صعدت مرته هم دعت كالت ربي مروتك اني ماغلطت غير بس مره بابني الكبير وانت ارحم الراحمين ونزلت صعد صاحبنه عالتله بعد ماسمع كلشي رفع ايده بالدعاء وكال ربي اغفرلي لان جبتلك اجلكم الله (ال.........) ذني
انتهى
هسه بس اريد اعرف شندعي على الحكومات الاجتنه

 

[اسير الضمير]

رد: تهجدات انسان في محراب الأحزان

چان اكو شيخ ( منفتح) ومتفهم كلش ، يجون الناس يمه يسولفون اسرارهم حتى يگدر ينصحهم و يندعيلهم بكل ما أوتي من إيمان وورع وتقوى .. ومن چان يجي يمه واحد يعترفله ويگول اني (غلطت ويه وحده..) مثلاً ، چان يتحسس من هالكلمة ، واتفق وياهم أن يستبدلون كلمة ( غلطت ويه وحده.) بـ ( تزحلگت) .. علمود شوية أحسن ...
ومرت الايام والناس كلهم عرفوا هذا المصطلح ويستخدمونه ، إلى أن مات هذا الشيخ ، واجه بمكانه شيخ ثاني ، وچان ما يدري بسالفة المصطلح ..
وبين فترة وفترة يجيه واحد ويگله شيخنا آنه تزحلگت .. لذلك قرر استغلال وقت صلاة الجمعة وخطب بيهم وگال : احنه لازم نهتم بالطرق ونعدلها ، مو معقولة كل يوم جايني واحد متزحلگ !!
الناس كلهم ضحكوا ، واكثر شي مدير البلدية ، الشيخ باوعله وصار عصبي وگله : ولك إنت آخر واحد يضحك ، ما عرفت تسويلك شارع زين للوادم ؟! بس بهذا الاسبوع مرتك تزحلگت ظ£ مرات !!
.
.
.
الربط مو شغلتي !
خلف الله عل الانتخابات فرشوا سبيس

 

[اسير الضمير]

رد: تهجدات انسان في محراب الأحزان

صيني يتعارك وي زوجته
قال لها سيكوتاكي
قالت له كوانيني
تعصب وقال توكا انجي رودي يومبا ياكو
ردت عليه بالبكاء وقالت له ميمي ناكو بيندا ماسميهى
المصيبه مو بالصيني المصيبه بيكم مسوين نفسكم فاهمين وتقرون صيني
المهم مشاكل عائليه ماعلينه بيهم
مساكم الله بالخير

 

[اسير الضمير]

رد: تهجدات انسان في محراب الأحزان

أكو واحد
گال لأبوه أنطيني خمسين ورقه
أريد أطلع ويا ربعي مادام المانيا موافقه
أبوه رفض
گام أبنه وسمط أبوه راجدي
وأخذ الخمسين ورقه وسافر
بعد مرور سنة الولد دز لأبوه......
جنطة مال دولارات وهدايا وذهب ورسالة
كاتب بيها سامحني يابابا مديت أيدي عليك
الأب بچى وكتبله ولايهمك ياأبني أنته غير تضرب ني لمصلحتي

 

[اسير الضمير]

رد: تهجدات انسان في محراب الأحزان

عراقي ومصري فاتو على محل حلويات
-المصري خمط 3 قطع بقلاوة وخلاهن ابجيبه بدون مايدري صاحب المحل وكال للعراقي شفت لواتة الكدعان
-العراقي كاله راح اشوفك تقفيص العراقيين
-كال العر
اقي لصاحب المحل اريد اسويلك سحر انطيني قطعه بقلاوة انطا اكلهه بعد وحده هم انطا واكلهه بعد ثالثه هم اكلهه صاحب المحل عيونه صارت بالطول كله وين سحر
العراقي كله دخل ايدك بجيب المصري تلكاهن كلهن

 

[اسير الضمير]

رد: تهجدات انسان في محراب الأحزان

اكو باص ريم قديمه طالع من البصره للنجف مقبطه فول وصل للكوفه واحد اشرله يريد ايروح للنجف ، السايق گال خطيه خل اوگفله ظهريه والدنيه حاره والمسافه قريبه خل يوگف بالممر ، تعرفون اكو ناس اتخلي غراضهه بالممر مال الريم واكو عجوز عدهه دجاجه وديچ رابطتهن رجل برجل ومخليتهن بالممر ، هذا العبري اول ماصعد چفص ابطن الدجاجه ميدري خطيه ، العجوز شالت روحهه ودگتهه بالگاع وصاحت اليوم انعل والديك الله وكبر هسه تخسرهه ، الرجال خطيه استحه وارتبك ، واحد من العبريه گله اذبحهه خطيه دتأذه وليش اتروح حرامات فأخذ سچينه من واحد وذبح الدجاجه وظلت الدجاجه اتطفر بالممر ودمرت الناس دم وكلهه گامت اتصيح عليه واحد من الگاعدين گله هي اثول غير اتگص رجليهه حته لتگمز مو أدمرنه من وراك الله ليوفقك ، الرجال مچذب خبر دنگ ايگص رجلين الدجاجه ونسه الديچ مربوط وياهه رجل برجل وگام صاحبنه وگص رجل من الدجاجه ورجل من الديچ ، العجوز طفرتله شايطه الله وكبر عله راسك الله ينتقم منك سويت الخساره خسارتين ، صاح عليه شايب كاعد بالاخير گله منعول الوالدين صعدت ويانه من الكوفه للنجف لعبت بينه لعب چالوصاعد ويانه من البصره للنجف چان اسويت بينه اتذبحنه كلنه ؟
رباط السالفه الجماعه لو حاكمينه من الخمسينات چان هسه العراق .. منقرض

 

[اسير الضمير]

رد: تهجدات انسان في محراب الأحزان

من أكبر أخطائي أني كنت أمر على لحظات الفرح مرورا عابرا...
و أعيش الحزن بكل مشاعري

 

[اسير الضمير]

رد: تهجدات انسان في محراب الأحزان

الأحلام التي تبقى أحلاما لا تؤلمنا، نحن لا نحزن على شيء تمنيناه ولم يحدث، الألم العميق هو على ما حدث مرة واحدة وما كنا ندري انه لن يتكرر

 

[اسير الضمير]

رد: تهجدات انسان في محراب الأحزان

في داخل كل انسان وجع صامت

 

[اسير الضمير]

رد: تهجدات انسان في محراب الأحزان

لم تعد لدي القدره على الحب .. على التضيحه على الاهتمام على الشوق والاشتياق .. لم تعد لدي القدره على العطاء .. حتى لم تعد لدي القدره على الثقه بشخص ما .. اخذت مني كل هذا ورحلت وتركتني عاجز