تهجدات انسان في محراب الأحزان

[اسير الضمير]

رد: تهجدات انسان في محراب الأحزان

انه ذاك الغريب التوجعه الناس
انه اليذكر هله اعله مرورت الكاس
انه ال لا ياخذه الله ولايخلي
انه المايدري وين يسولف البي
انه المرعده العوز تمرعد الشات
انه اللمو زتاته الناس من مات
انه الشدته الدنيه بريلهه جروخ
انه ال لوما لعوز تهابه الشيوخ
انه الماعده اخو يحشمه اعله اليعيل
انه اليطلع غموسه بتواسيل
انه الدكه الوكت والعوز بهداي
انه الجاب التراجي بنيته شراي
انه المايدري عدمن باجر يبات
انه الباكن مكاتيبه الحمامات
انه الكل ذني بيه وعاشك وحاب
انه المحبوبته بضحكتهه الف باب

 

[اسير الضمير]

رد: تهجدات انسان في محراب الأحزان

اعتدت ان ابتسم رغم كل شيء كي لايحزن من حولي
لكن حقا احتاج ان اشعر بلذة تلك الابتسامه

 

[اسير الضمير]

رد: تهجدات انسان في محراب الأحزان

ايامك صور والذكريات احلام
وجفوفي الثلج بس نارهن كبره
عد غيري الحزن مصنوع بالصدمات
وحزني من الزغر وياي بالفطره

 

[اسير الضمير]

رد: تهجدات انسان في محراب الأحزان

واضل مهيوب عادي الطاح يتعلم ولااهتم حجو سبوني مشكورين انا غيمه من اطيح التم

 

[اسير الضمير]

رد: تهجدات انسان في محراب الأحزان

عدم اهتمامك بي يعني نهايه من كنا نصبو اليه
عماد
اسعد الله صباحكم

 

[اسير الضمير]

رد: تهجدات انسان في محراب الأحزان

أصيلة الروح تنشد من خيالي
وافز مرات اخافن من خيالي
شكثر حاولت احذفك من خيالي
خيالي انحذف وانته الضال ليه

 

[اسير الضمير]

رد: تهجدات انسان في محراب الأحزان

تفاركنه برغم ماردنه الفراك
وكلمن أخذ جرحه وذكرياته ......
وصار الليل كلش مو حلو الليل......
بعد ماجان وياك شحلاته...........
وشنسى وذكريات هواي وياك.........
وشكول لكلبي المضحي بحياته......
جنت منين ماباوع محبين .......
هسه منين ماباوع شماتة ..
اسعد الله مسائكم

 

[اسير الضمير]

رد: تهجدات انسان في محراب الأحزان

شفت شيب بشبابي من وكت ليش ؟
وشفت حسرة وشفت اه وشفت ويل
ماشايف شمس بس غيم دنيااي
شوكت يطلع نهاار ويرحل الليل ؟
خلص عمري عذاب بوسط آهات
تعب حيلي وبعد مابيه كل حيل

 

[اسير الضمير]

رد: تهجدات انسان في محراب الأحزان

هل أتاك حديث عمري الذي ضاع
مابين عشقك والحنين ...
كان يمضي سنينه باحثآ عنك
ويتمسك بخيط وصل وهو بالبعد
مقيدآ بحبل متين ...
فما كان عشقه ينفعه ولا تعاد
له تلك السنين ...
الا ان تأتي له يامن كنت له وتين

 

[اسير الضمير]

رد: تهجدات انسان في محراب الأحزان

اشرد من عذابك وارجع لطاريك
وافكر بالبعد واشتاگ للملگه
واحتاجك هوى واختنگ ماالگاك
واشهك واختنگ والگاك بالشهگه
يل كلك احساس ارد افتهم معناك
گلبي بنار بعدك تگدر اتحرگه
ثق عندي گلب بس ينبض بطاريك
ويشتاق لحنانك ويا كل دگه