رد: تهجدات انسان في محراب الأحزان
أكو شايب أيبيع فسائل نخل ...ويصيح ( نخل خستاوي ) أجاه شاب - كاله عمي أكيد هاي الفسائل مال نخل خستاوي ؟
كاله الشايب اي بعد عمك مظبوط وهاي أيدي عله شاربي
بس من هسه اكلك تره مايحملن الا بعد عشر سنين -اشتره الشاب سبعه وزرعهن ونجحت زراعتهن ويوميه جايب الوادم تعالو شفوا نخلاتي اشلون صارن , وكظن العشر سنين وأذا بالنخل كلهن فحل !!؟؟
وصار نصبه للوادم . نزل للسوك لكه نفس الشايب اللي بيع نخل وهم مخليله نخلات ويصيح ( نخل برحي ) فسلم عليه الشاب وكاله عمي تتذكرني ؟ كاله الشايب لا والله يعمي ماأعرفك فرد عليه الشاب آنه اللي اشتريت منك النخل قبل عشر سنين أشو طلعن كلهن فحل وهنا ضحك الشايب وكاله والله يعمي من بعتك النخلات كلت واحد من عدنه يموت لو آنه لو أنت لو النخلات!!؟؟).
ههههههه
سالفتنه
بيهه رباط مثل ربعنه طلعوا كلهم ((فحل مانترجه منهم تمر))
جبنه عمرنه حطب
وحماله لاهل الحطب
وجبنه عمرنه نخل
مايوم اكلنه رطب
الله يا هالوطن
الله يا هالشعب
لافادك الطاغيه
ولا فادك المنتخب
مثل الجَمَل بالسفر
لمن يحمل ذهب
من توصل القافله
حصته بس التعب
مساكم الله بالخير
