يمنع الرد حروف في اوراق ممزقة

[رمااد اانسان]

كلتلها نسيت وكالت تجذب
انت اول ابنادم يعرك من يحب
والمثلك يتيه بعالم النسيان
مثل ذاك الضوه اليختنك بالمغرب
كلتلها بعد للسفر ماكو شراع
خايف نغرك وما نكدر نجلب
وكلتلها بعد حيلي انجفه وما فيد
گالتلي السيوف الباشطه تحدب
وكلتلها فقير شعاجبج بالعوز
كالتلي الفقير بكلهن معزب
وبجت واسمعها كالت لو الك لو اموت
گلتلها الحجي الما ينحجي يتعب
مو صاحب طويله وگلبي عايش خوف
وتفززه القطره التنزل من الحب
وكالتلي صبر يعقوب وايوبين
متانيتك بعدني وعالهلال احسب
وهاك اخذ القلم واكتب وهنه اثنين
لو ورقه وفاتي لو عقد تكتب
وما فاد الحجي ورديت لاول بيت
وكلتلها نسيت وكالت اتجذب

 

[رمااد اانسان]

مثل كَلبي اعتقد ظنيت كـــــل الناس
احب الناس كلها وكـــــــــــلها اداريها
اثاري اني غشيم وكَلبي غــــــــلطان
لذلك مااعيد الغــــــــــــــــلطة وثنيها
راح اترك الطيبة وانســــــى كل الراح
وابدأ من جديد وروحـــــــــــي اباريها
واحاول بلكي اعوض مني مـــــــافات
وصفحات المضت فد نوب اطـــــــويها

 

[رمااد اانسان]

بعد بيمن اصبر الروح...... والهاي
خلافك يل فديتك هاي.... والهاي
عيوني افديتهن لجلك
يمن تسوه ألف حلك
يخايب تقسي وي خلك
اليحبك واليريد ارضاك
اليفرح من يمر طرواك
اليصيح الغالي لو ناداك
هيج بلا سبب تزعل
يل وجهك فلا ينمل
تعال وردلي يمدلل
گلبي اعليك يلهب نار
يل تنشد تريد اخبار
تريد اشرحلك اللي صار
رياگي نشفن بفرگاك .......والهاي
وبعد للگومه ماظل حيل بيه.

 

[رمااد اانسان]

جبتها أشتاگلك چا يمته گلي الگاك...
ملامح وجهك انه اعتقد ناسيهن...
على صــورك أصــد معقـوله ما كبران
قـديمات الصـور ما كبرن شبيهن...

 

[رمااد اانسان]

حگــك اذا ويـــاي.تحـچــي برهاوه
شو انت حتى الروح.ماخذها خاوه

 

[رمااد اانسان]

شگد غشيم الكاعد يسولف وراي
والله باجر يركض يدور رضاي
اني مثل النهر انشف مااموت
باجر الله من السمه ينزل ماي
ماكشخت بثوب ذله ولا مشيت
رغم كل العوز مااباوع وراي
صح فقير الحال بس عايش امير
ماادنك لو حجر تمطر سماي،،،،،،

 

[رمااد اانسان]

يلمني الحد لو حضنك … يلمني
بجفاكم حت گلبي ضل … يلمني
أضل وياك
أنه اهواك
ما أنساك
روحي تريد … اخذ شتريد
بعيد هواي … تعال حذاي
انه الوفاي … اصيرن ماي
وانته بعيد
شوگي يزيد
يتقصد وهيج يريد بس… يلمني
اهو الغلطان ويذب الصوج بيه

 

[ميليا]

اصنع سعادتك بنفسك، نورك الداخلي هو فقط من سينير لك دربك
لا أحد سيسعدك غير نفسك

 

[رمااد اانسان]

عليه عيون سود
سود يمرن هواي
مثل ذني البوجهك ماشفت سود
وخيرآ ماطول بلحجي وياك
محبتك رحمه الله ولالهة حدود

 

[رمااد اانسان]

#أخذني
#الشيب وانه بواهس #العشرين
#والتمن عليه الما #محسبلهن
#غربه و عوز #والدنيا و حچي #الشمات
#هيه شعايزه وفرگاك #چملهن