#سالفة على السچين
شاب عراقي مقيم بأمريكا يكول : اشتاقيت لاكل الرگي ومشيت لابو الفاكهة بمنطقة (هيوستن) التابعة لولاية تكساس الامريكية حتى اشتري رگيه.
وصلت لمحل الفاكهة وشفت الرگي واخذت وقت أتحسس كل وحده وأطبطب عليهن لحد ما اختاريت ..
اكو امرأة أمريكية جانت تباوع عليه باستغراب وسألتني بلغتهم: ليش تطبطب على الرگي ؟
يكول جاوبتها: حتى أختار وحده حمره وحلوه، احنه من عادتنا أن نطبطب عليها قبلما نشتريها.
فسألته المرأة: ممكن تطبطب على فد وحده من إختيارك إلي !!!
يكول: فرحت من طلبت مني وحسيت شعور مفاجئ بالفخر كأني واحد يمثل سمعة بلده وبدأت من جديد اطبطب على الرگيات حتى اختارلها رگيه زينة...
بهالاثناء المرأة سالتني وكالت: شكرا الك، انت واضح عليك إذنك موسيقية وأصولك شرقية ممكن أعرف من أي بلد ؟
فجاوبتها أنا عربي .. فابتسمت المرأة وكالتلي من أي العرب أنت؟ گتلها عراقي، فابتسمت مره ثانيه وگالت: ياريت تطبطبون على المسؤولين الي عندكم قبل ما تختارونهم .. بس شاطرين بالرگي !!! ...