((حروف من الروح))

[مـــجيـّدالسيــــد]

مشاهدة المرفق 7004

انتي يا احله الصباية
انتي ياروح الحياة
ارد اكلج بالبداية
راح احبج للممات
انتي يلعينج مواني
وضحكتج بيهه اغاني
تسحر ارموشج مدينة
وبغير رمشج ما ابات
انتي يا احله الصبايه
انتي يا روح الحياة
.....................
انتي ياعطر المحبة
انتي ياعطر الجنان
كربي يا اغله الاحبه
وقري بعيوني الامان
انتي ياكل الاماني
وزهرة الروح وزماني
انه ماشايف صبية
بيهه تتغزل بنات
انتي يا احله الصبايه
انتي يا روح الحياة
..............
انتي ياعطر البنفسج
انتي ياورد الربيع
مرة لو ضحكتلي عينج
صدكي بعيونج اضيع
خدودج بليلي شمس
وشوفتج عندي عرس
مشتته روحي بغيابج
وانتي لملمتي الشتات
انتي يا احله الصبايه
انتي يا روح الحياة
بقلمي
مجيد السيد

 

[مـــجيـّدالسيــــد]

مشاهدة المرفق 7006

مزيونه وعشكج سبعيني
بشفافج تين يغذيني
خليني يا اغلى الناس
سباح بكلبج خليني
مزيونه وعشكج سبعيني
بشفافج تين يغذيني
.......................
صدكيني يا غصن البان
بغير اطيوفج ماحلمان
بغيابج كلش عطشان
بغيابج محد يرويني

مزيونه وعشكج سبعيني
بشفافج تين يغذيني
.........................
صدكيني ياروح الروح
خبر افراكج ما مطروح
بغيابج اني المجروح
مجروح وانتي اتداويني

مزيونه وعشكج سبعيني
بشفافج تين يغذيني
.....................
صدكيني يا اغلى انسان
انه بحبج ما ندمان
لا وعيونج ما زعلان
ما ازعل منج تدريني
مزيونه وعشكج سبعيني
بشفافج تين يغذيني
......................
صدكيني يا ام الجود
اسمج بشفافي معكود
انزاحت ايامي السود
بوجودج ياروحي وعيني

مزيونه وعشكج سبعيني
بشفافج تين يغذيني
بقلمي
مجيد السيد

 

[مـــجيـّدالسيــــد]

مشاهدة المرفق 7008
كل الوجوه اوجوه بس وجهج كمر
كل العيون اعيون بس عينج بحر
يا اجمل بنات الكون
خليتي الحياتي لون
يا نسمة فرح بالروح
بالروح الورد خضر
كل الوجوه اوجوه بس وجهج كمر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،
اضيع بصفنتج تدرين
اضيع بصفنة اعيونج
مدري شبيه من ترحين
مدري شبيه من دونج
يا روحي وبعد اغله
وياج العمر يحله
يكبر كلشي بالإنسان
بس الروح ما تكبر
كل الوجوه اوجوه بس وجهج كمر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،
حاير بالوصف شهرين
مثيرة ومذهلة اوصافج
ما اريد العنب والتين
طعم التين بشفافج
يامن للعهد صنتي
صدكيني الوطن انتي
مامش كل عشك بالروح
يا روحي وبعد اكثر
كل الوجوه اوجوه بس وجهج كمر
بقلمي
مجيد السيد

 

[مـــجيـّدالسيــــد]

‏" العناق ..
هو أن تأتي بعطر .. وترحل بعطرين " ..

 

[مـــجيـّدالسيــــد]

لِنتبَعِ الأمَلَ، فـ للأَمَلِ ؛
صُوَرٌ كَثيرَةٌ،
ألوانٌ كَثيرةْ..
وآثارٌ جَميلةٌ تَقودُنا
للإبتِسامْ..

 

[مـــجيـّدالسيــــد]

- كلما مر الزمن إزدادت قناعتي
- بأن أعوامي الأولي كانت فردوساً !

 

[مـــجيـّدالسيــــد]

كن أخرساً عاقلاً ، ولا تكن ناطقاً جاهلاً ..

 

[مـــجيـّدالسيــــد]

أنت العلمتني العشگ بالفطرة .
لولآك ما أدري ... الگلب ... باليمنه

باليسره !

مشاهدة المرفق 7022

 

[مـــجيـّدالسيــــد]

تدري اشلون اركز بيك مرات
مثل صفنه يتيم بصوره امه
مشاهدة المرفق 7023

 

[مـــجيـّدالسيــــد]

الذين يشاهدون محتوى الموضوع الآن 12 ( الاعضاء: 1, الزوار: 11 )​

منورين الحلوين ربي يكثركم