((حروف من الروح))

[مـــجيـّدالسيــــد]

امي الدوه للجرح
وللزاد امي الملح
امي بظلامي ضوى
ومصباحها اجمل صبح
يابيدر محنة اوفة
ويفيض بسلال الفلح
لولامستني اجفوفهه
ينمحي اكبر جرح
ولو بوست اجدامهه
اغلى وسام انمنح
امي كلشي صارت النه
ايد وروح وجنح
امي ضحت من اجلنه
بهذا زمنه الوكح
امي باعت نص عمرهه
وشترت النه الفرح
ينمسح كلشي بعمرنه
وطيبج ابد ما ينمسح
ياحاملة اجمل صفات
غيرة ومحنة وصفح
بلشدة ماتغفى وتنام
والام بلشدائد تتضح
هيه جنة بلا حساب
ويا عظيمة بلا مدح
امي كلشي صارت النه
ايد وروح وجنح
بقلمي
مجيد السيد

 

[مـــجيـّدالسيــــد]

مشاهدة المرفق 8003

احبك وافتديك بدم
هويتك وادري ما أندم
ياغالي بغلاة الروح
خليت الجرح يلتم
احبك وافتديك بدم
.......................
يا اروع عشك عشته
ويا أنبل بشر شفته
مزروع الوفة بكلبك
تسلم يالوفي تسلم
احبك وافتديك بدم
.............................
يالوجهك يشع بالليل
مزيون وتهد الحيل
جم عاشك الك صارح
وانته بس اللي تهتم
احبك وافتديك بدم
..........................
حقهم من يحبونك
تسبيهم سبي اعيونك
جم واحد رجع خايب
وظل بشوفتك يحلم
احبك وافتديك بدم
..........................
بدونك تذبل اسنيني
ياعمري ونظر عيني
جنه دنيتي وياك
ولجروح الزمن بلسم
احبك وافتديك بدم
.........................
بشفافك مياه النيل
وبعيونك سحر أربيل
ومن يوم العرفتك بيه
ناسيني الحزن والهم
احبك وافتديك بدم
............................
بقلمي
مجيد السيد

 

[مـــجيـّدالسيــــد]

مشاهدة المرفق 8005

مرات اشوفك شمس

مرات اشوفك ليل

مرات احسك ثلج

مرات احسك سيل

ياليل وحشه ارويحتي

ومسكونه بيها اشباح

وياليل حتى بنومتي

صدكني ما مرتاح

مرات اغمض صدك

ويندهني طيفك حيل

مرات اشوفك شمس

مرات اشوفك ليل
........................
مرات اشوفك جرح

ومرات اشوفك دوه

ومرات احسك ألم

ومرات احسك هوه

يادنيه صعبة حالتي

وكل لحظة اشوف الموت

ويادنيه حتى الفرح

ايمر علي بسكوت

مرات احسك اللي

دجلة وفرات ونيل

مرات اشوفك شمس

ومرات اشوفك ليل
........................
مرات اشوفك نهر

من تعطش انهاري

ومرات اشوفك عطش

من تذبل ازهاري

ياروحي هذا العشك

جوياته صعبة تصير

ومعروف طبع الوفي

مايعرف التغيير

محبوبي ليش اتغيرت

وبيه كمت اتعيل

مرات اشوفك شمس

ومرات اشوفك ليل

بقلمي

مجيد السيد

 

[مـــجيـّدالسيــــد]

تمسك جيدًا بالشخص الذي لاحظك عندما كنت غير مرئي

 

[مـــجيـّدالسيــــد]

ٱن تكونَ عزيزاً غائباً
ٱفضل بكثير من ٱن تكونَ حاضراً بلا قيمة•

 

[مـــجيـّدالسيــــد]

‏دافئةٌ أنت كرمل البحر
رائعةٌ أنت كليلة قدر
من يوم طرقت الباب علي .. ابتدأ العمر

 

[مـــجيـّدالسيــــد]

فاااح عطرك
فارتبك مسائيَ

 

[مـــجيـّدالسيــــد]

القَھوة
نفس النكهة ، نفس اللونَ ، نفس الروتين ،
ومع ذلككَ لآ نملھآ ,
هكذا هي الأشيآء التي نحبها

مشاهدة المرفق 8008

 

[مـــجيـّدالسيــــد]

مشاهدة المرفق 8009

 

[مـــجيـّدالسيــــد]

لاتبكي كي لا يتبلل رمشك الذي أحبه ..!!