((حروف من الروح))

[مـــجيـّدالسيــــد]

ﻋَﻠﻰ ﺟُﺪﺭﺍﻥ ﺃَﻧﻔﺎﺳﻚَ، ﺍِﺭﺳﻤﻨﻲ
ﻟَﻮﺣَﺔ ﻋَﻠﻰ ﻫَﻴﺌﺔِ ﻧَﻔَﺲ
ﻷُﻋﺎﻧﻖَ ﺣَﻮﺍﺳﻚَ، ﻛُﻠّﻤﺎ ﻣَﺮﺭﺕُ ﺑﺄﺯمة ﺷَﻬﻴﻘﻚ.

 

[مـــجيـّدالسيــــد]

ومازال يسألني احبه ؟
وانا احبه في َُالدقيقة
الف عااااااامٌََ

 

[مـــجيـّدالسيــــد]

يعني انتي من تعوفين حبيبج لأن خانج

مثلا شراح تاخذين روميو

هوه السوك كله هيج

 

[مـــجيـّدالسيــــد]

لا يشبه الشمس في إشراقها ألقا
إلا وجوه تزف الصبح مبتسمة
كم بسمة أشرقت بالحب من مبسم
غدت على صفحات القلب مرتسمة
لأطيب القلوب وأروعها
لمن يشبهون الصباح بجماله
والورد بعطره
للذين يتركون فرحة تملأ القلب حياة
صباح الأشياء المشرقة
واللحظات التي تخلق فينا روح الفرح
صباحكم ورد وفل وياسمين

 

[مـــجيـّدالسيــــد]

ضوه اهلالك
#بنفسج
غافي حدر الثوب

الهوه هوه يكول
بضهرك زلگ
يا ملمس الچرچيت
مساماتك
شمع دفيان
يتعويذت خدر يـ أفييييش
اصعد بينه يم الغيم
ريشه
بـ زفة الدخان
وشل مستحاك واستلذ بالاااه
ثغيب النشوه
واهس ثوره للبركان
ترانيم النفس
لاحن
رگبتك شوووگ
وجفوف الگلايد لاحن التربان
يالـ چنك
سعف مخمور
تتمايل عله الريگان
من تنشم زبد وتموع موش انسان ..

 

[مـــجيـّدالسيــــد]

الدنية ليل ونظرة اعيونج ضوه
وروحي خضرة واشتهت شفتج دوه
انتي ياغصني الجميل
غطي خصرج لايميل
للهوه عطشانة روحي
فكي بيبان الهوه
الدنية ليل ونظرة اعيونج ضوه
وروحي خضرة واشتهت شفتج دوه
من اشوفج يطول بشفافي السكوت
ومن اعوفج لحظة يحبيبة اموت
لمته ياعطر الورود
ينتهي هذا الصدود
وينتهي هذا الفراق
ونفرح ونمشي سوه
الدنية ليل ونظرة اعيونج ضوه
وروحي خضرة واشتهت شفتج دوه
اني اريدج شوكة بعيون الغريب
وانه اعرفج شمس ماتعرف مغيب
ضحكتج لمة عرس
ومنج تغار الشمس
بالعشك حلوة الليالي
والحزن بيج انطوه
الدنية ليل ونظرة اعيونج ضوه
وروحي خضرة واشتهت شفتج دوه
بقلمي
مجيد السيد

 

[مـــجيـّدالسيــــد]

انته يمي اشلون ادورلك بديل

انته وي روحي ابد ما عايفك

حلو مثلك بالخلك مالك مثيل

حتى سحر الله انخلق ب شفايفك

انه اعوفك ياحبيبي وين اروح

انته روحي وتشتفي بيك الجروح

انه ما احبك لان شكلك جميل

انه حبيتك كبل لا شايفك

وانته يمي اشلون ادورلك بديل

انته وي روحي ابد ما عايفك

..........................

انته من دون الخلك اتحبني حيل

وانه من دون الخلك هم رايدك

انته عمري وللكلب انته الدليل

اشكد تحبني انه فوك وزايدك

من عرفتك منبعك منبع زلال

تريد ترحل ؟؟وين يمعود تعال

خلي اكلك بالعشك انته اصيل

وانت بس انته بحياتي ضايفك

وانته يمي اشلون ادورلك بديل

انته وي روحي ابد ما عايفك

............................

الكه مثلك بالعشك لا مستحيل

انته روحي وكل حياتي وذاتي

الخسرته لأجل حبك مو قليل

انته حلمي وكل مناي وغايتي

ايدي بيدك واربط وياي المصير

خلي نكتب حروف قصتنه ب عبير

انه عن دربك ابد لا ما اميل

انته وي روحي حبيبي رايفك

وانته يمي اشلون ادورلك بديل

انته وي روحي ابد ما عايفك

بقلمي

مجيد السيد

 

[مـــجيـّدالسيــــد]

ووقفت مقرور الشفاه حيال موكبك الحزين
وعلى الرصيف تسمّرت قدماي ، أجتر الأنين
أحسست أني ضعت في جمع الحزانى المُطرقين
وصرخت يا ليلــى ولكن لم تكوني تسمعين
فالنعش أطبق دفتيه وأنت مُتِّ فلا تعين
وقرأت لافته هناك يقول كاتبها اللعين
طلابنا ينعون راحلةً بعمر الياسمين
تدعي وذابت أعيني تغالط الخبر اليقين
أتموت أيامي ؟؟ ويذوب الحب في طيفٍ دفين
أيضمها قبرٌ ؟؟ ويفقد دفئها صدري الأمين
هل تورق الآلام ؟؟ تورثني أسىً لايستكين
ثم انبرت ذكراك ترسم حبنا عبر السنين
فركضت ملهوف الخطى للمقعد الخاوي الحزين
وإذا به خالٍ ، يطالعني بوجه الكاسفين
إلا بقاياً منك ،كالأزهار كما تعشقين
وانساب في أذني صوت ، فانتبهت على الرنين
ووجدت أني كنت في حلمٍ . كأقداري ضنين
فشرعت أركض لاهثا عليّ أراك ، فتبتسمين
وأتيت هذا الصبح احمل مسحة المتعذبين
فبدوت لي وكما عهدتك دائما لاتأبهين
للشاعر حسن المرواني

 

[مـــجيـّدالسيــــد]

يبو طول الحلو ومجنن اهل الشام
تدري ليش انته حلو جي لنك انته خام
مخبوط جبن وعسل والرمش يمكن جام
من كتلك انته البدر صدكني مو اوهام
محبوب من البشر وتحبك الاصنام
هم بيك مرة التقي وتتحقق الاحلام
اشلون اوصل الك ومزروعة بيك الغام
مبخوت ابيع العمر واخذلي بيك اعدام
تتجادح اعيونك جدح وترمي نبل وسهام
تستاهل انته صدك تنتحر بيك ازلام
تدري انته لو من ذهب بمليار كل غرام
بقلمي
مجيد السيد

 

[مـــجيـّدالسيــــد]

بكد ما جنت احبك هسه ندمان
لتحاول تجي وتكلي نادم
صرت لاهل الغدر انته عنوان
للاسف وياك ماجنت حازم
جنت عمري وحياتي وبيك حلمان
والك احلى الصور بعيوني راسم
طبع ذيب وخلقتك خلقة انسان
بظهري خنجرك وبوجهي باسم
هم تعتب عليه وعندك اللسان ؟
جم زلة البدت منك ياظالم
ما ادري العشك انواع والوان
وحسبالي البشر كلهم اوادم
طلع نغمك جذب مابيه الحان
ما اريدك بعد خل جرحي نايم
ياشجرة خبث مابيها كل اغصان
اذا مات الكلب تموت الجماجم
بقلمي
مجيد السيد