((حروف من الروح))

[مـــجيـّدالسيــــد]

مرات اشوفك شمس

مرات اشوفك ليل

مرات احسك ثلج

مرات احسك سيل

ياليل وحشه ارويحتي

ومسكونه بيها اشباح

وياليل حتى بنومتي

صدكني ما مرتاح

مرات اغمض صدك

ويندهني طيفك حيل

مرات اشوفك شمس

مرات اشوفك ليل

مرات اشوفك جرح

ومرات اشوفك دوه

ومرات احسك ألم

ومرات احسك هوه

يادنيه صعبة حالتي

وكل لحظة اشوف الموت

ويادنيه حتى الفرح

ايمر علي بسكوت

مرات احسك اللي

دجلة وفرات ونيل

مرات اشوفك شمس

ومرات اشوفك ليل

مرات اشوفك نهر

من تعطش انهاري

ومرات اشوفك عطش

من تذبل ازهاري

ياروحي هذا العشك

جوياته صعبة تصير

ومعروف طبع الوفي

مايعرف التغيير

محبوبي ليش اتغيرت

وبيه كمت اتعيل

مرات اشوفك شمس

ومرات اشوفك ليل

بقلمي
مجيد السيد

 

[مـــجيـّدالسيــــد]

‏الحب هو الألفة ورفع الكلفة، أن لا تجد نفسك في حاجة للكذب، أن تصمتا أنتما الاثنين فيحلو الصّمت وأن يتكلم أحدكما فيحلو الإصغاء

 

[مـــجيـّدالسيــــد]

الخاطر الله شكد ترف منبع اشفافك ماتجف

 

[مـــجيـّدالسيــــد]

احب قهوتي من يديك بلا سكر

 

[مـــجيـّدالسيــــد]

جنها هالمره صدك متفاركين
اليوم أودي وين كل هذآ الحنين. ؟
مره فاركتك دقايق #ومن اجيت
كتلك شعطلك كل هاي السنين

 

[مـــجيـّدالسيــــد]

على الطلاب بالزي لاتشرطون
ولدنا اخلاقهم زيهن موحد.

 

[مـــجيـّدالسيــــد]

كَم وَددتُ أن أعرِف ما الذي يقولَه الفجر للسماء -
فتحمرُّ خجلاً هكذا
وتشرق . الشمس!!

 

[مـــجيـّدالسيــــد]

‏وَغَرَستُ حُبَّكِ فِي الفُؤَادِ وَكُلَّمَا
مَضَتِ السِّنِينُ أرَاهُ دَومًا يُزهِرُ♥

 

[مـــجيـّدالسيــــد]

#البنيه التحب مو عيب مأثوم #اليحاسبها
العشگت #غريب شلون تاخذ من #گرايبها

 

[مـــجيـّدالسيــــد]

وزرعناكم شلب بالروح. ليش. طيوفكم. حنظل