((حروف من الروح))

[مـــجيـّدالسيــــد]

مو كلمن يسولف غزل
ينحسب عاشك
ولاكل التريدة الروح
اتناله ابسهوله
ادري بطريق العشك وعر
وبيه اسلاك والغام
راح امشي الدرب
لو مفلس ارد
لو انوله
حبيبي لو غبت
لحظات عني
تصير العين حيرانة
والجلمات مشلوله
اظن غاب المرح
بينة من زمان
وما اظن تسمع بعد
بلديرة هلهوله
تعال رادسني حبيبي
وبشوفتك خل تتكحل العين
بوجودك روحي تتورد
وبغيابك روحي مشلوله
تعال انسولف غزل
بس بلعيون
اللسان انعكد
والضحكات بشفافي
خجوله
يل بيك ملتمة
احلى الصفات
حنين وشهامة
وطيب وجلمات
معدوله
ويل سهمك
صوب الدلال صدفة
وصار حبك شتله
وبنص الكلب مزروعة
مشتوله
لو ليله عني تغيب
جنهه عشر اسنين
واه من ليل غيابك
اشثكله اشطوله
ياحبيبي
وياحياتي
وياحلم عمري
مني تزعل
عني ترحل
تنساني معقوله؟
بوجودك روحي تتورد
وبغيابك روحي مسلوله
تنساني معقوله
تنساني معقوله
تنساني معقوله؟
بقلمي
مجيد السيد

 

[مـــجيـّدالسيــــد]

اشواك مذبوحة
اجيتك شوك ما يرضى يذل روحة
اجيتك والدموع بعيني مفضوحة
لا تكتم اسرارك حبيبي وسرك بس اللي بوحة
متعلك بروحي صرت مرة تصعد مرة تنزل
وعيني دار صارتلك وجفني صار مرجوحة
لاتسمع حجي العذال والكال وكلت والكال
يريع الكلب هاي اصوات مبحوحة
حقي لو اغاراعليك وسولفلك نصائح
عند اهل العشك الغيرة مسموحة
صرت مثل الوحيد وخشخشت صدرةالرماح
وصرت مثل الذبيح الملتهي بروحة
اخاف اعليك من رمش عينك وهدمك
حبيبي ليش تتشفى بعذاب كليبي وبنوحة
الدنيه ياما حملتنه اهموم وذنوب
وكل الذنوب بحضرتك هليوم ممسوحة
امسح ادموعك حبيبي ماريدك تنهظم
وخل روحك بهيه والعطر بلوجه فوحة
اريد الظم جرحك وجرحي بخيط واحد
عدنه الروح ذبلانه وبيها اشواك مذبوحة
انته مو خطار وكلبي يضيفك يوم يومين
هاك الروح كل الروح الك هليوم ممنوحة
وصرت مثل الجريح الماوكف نزفه
محتار باعدائه..بألامه..لو يحتار بجروحة
من عمري العمرك متبرع انه اسنين
ولاتطلب رقم اعدادي مفتوحة
ولاتطلب رقم اعدادي مفتوحة
اجيتك شوك مايرضى يذل روحة
مجيد السيد

 

[مـــجيـّدالسيــــد]

كلك عذوبة وترف وفرحان بيك الماي

صوتك رقيق وعذب ممزوج بيه الناي

الناس ماعدهم صدك بس انته بيك هواي

ليش من اشوفك تجي اتعثر ابممشاي ؟؟؟

غربة وعشرتك وطن وبالروح الك شراي

مجيد السيد

 

[مـــجيـّدالسيــــد]

أتمنى ألا تخدعنا وجوه من أحببنا،
وألا نمشي أميالًا في الطريق الخطأ،
وألا يذهب عُمرنا لأجل أشياء لا تستحق،
وأن يبصُر قلبنا الحُب والراحة في أماكنها الحقيقة دون شك،
وأن ترافقنا الطمأنينة كظل لا يغادر صاحبهُ أبدًا •• ♡

 

[مـــجيـّدالسيــــد]

طشني بشفافك سوالف
بيهه هيل وبيهه عنبر
وطشني سالوفة مضايف
بيهه معنه وبيهه معبر
طشني هلهولة شفايف
بيهه تين وبيهه سكر
مجيد السيد

 

[مـــجيـّدالسيــــد]

إن في الحياة أشياء كثيرة لا تشترى بالمال ولا تعوضها كل ثروات الأرض كالصحة والسعادة والصداقة المخلصة والعشرة الجميلة والاطمئنان النفسي وراحة القلب والضمير...

& مساء الخير &

 

[مـــجيـّدالسيــــد]

وإذا لقيتك لاتسل عن حالتي
فملامحي بالشوق خيرُ بياني
واسمع عيوني كلما لاقيتني
فأنا عيوني في اللقاءِ لساني

 

[مـــجيـّدالسيــــد]

‏”وأنتِ التي تجعلين الدار مزهرةً
وأنتِ مَن تمنحين الوَرد ألوانا.“......

 

[مـــجيـّدالسيــــد]

‏أنا أحبك فوق الماء أنقشها
وللعناقيد والأقداح أسقيها
أنا أحبك حاول أن تساعدني
فإن من بدأ المأساة ينهيها
وإن من فتح الأبواب يغلقها
وإن من أشعل النيران يطفيها

نزار_قباني

 

[مـــجيـّدالسيــــد]

أدمَنتُ صوتَـكَ والإدمانُ أذواقُ
فالعَينُ تَعشقُ والآذان تَشــــتاقُ

في رَنَّــةِ الحَرفِ أنغامٌ وسلطَنَـةٌ
كذلك الصَّــمتُ أسرارٌ وآفاق

للعاشقينَ كَلامُ الحُبِّ مسبَحةٌ
في كل لؤلؤةٍ ، شهدٌ وترياق

أحتاجُ صَدرَكَ فوقَ الغيمِ يحملُني
سريرَ عشقٍ عليه الوردُ أطواقُ

أحتاجُ صَبركَ يحميني فيا ألمي
من آفة الشكِّ فالوسواسُ سَرّاقُ

أدمنتُ كُلَّـــكَ تَطويني وتَنثُرُني
في اللّيلِ عَتمٌ وفي الإصباحِ إشراقُ

كُوني لي طبيباً فهذا الشوقُ أتلفني
ياحياه الرّوح إنَّ الحبَّ أخلاق