((حروف من الروح))

[مـــجيـّدالسيــــد]

رد: اكتب اليك ياملاكي ((بقلمي))

[flash=http://www.3rbz.com/uploads/5466ef7e7d171.swf]WIDTH=1 HEIGHT=1[/flash]

مقبول اعتذارك وعالراس والعين

بس جرح الكرامة يكول لاترجع

مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

أريد أسال سؤال ومستحي أسال
انته شنو ملك لو جان لو انسي
من شفتك مو بس عالنبي صليت
صليت وقريت النوب أية الكرسي
خفت اعليك من اعيون هاي الناس
واول ماخفت اعليك من نفسي
صحت بصوت احبك ليش ماتسمع
دجاوب بالعجل مو طبكت حسي
بقلمي
مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

كوني منصفة

وارفعي راية العدل

قبل مجى العاصفة

يامن لديك الحب

كلاما يباع

على الارصفة

تكلمي بصدق

وبوضوح

واتركي اسلوب

الفلسفة

وارفعي شعار

لا للظلم

لا للشك

لا للظنون

واكتبي عبارات

تتغنى بها

كل حمامات الكون

مجيد السيد

بقلمي

 

[مـــجيـّدالسيــــد]

رد: اكتب اليك ياملاكي ((بقلمي))

من الاول ياحبيبي

اثنينه ماننجمع

وحاصل جمعنه اختلاف

ومن الاول كتلك اني

انته بطبعك اناني

واليحبك يموت باسباب الجفاف

انته اجيت وكتلي اريدك

وردت اكلك ما افيدك

الجلمة خنكتها الشفاف

مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

استقبلتك حبيبي

بروحي مو بيدي

لان حظن الايادي

وياك ماينفع

وظميتك بكلبي

وبعد ما انطيك

اذا تطلع حبيبي

روحي تطلع

يا اصل الورد

من كلشي اغار عليك

هم شايف ورد

مرات ما ينفع

ياروحي وحياتي

ما املك دوم

هم شايف بشر

من روحه يقنع

بقلمي

مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

اخذ صندوك الرسايل
قسم ما ارجع قسم
علم خليتك ابروحي
وسفه شوهت العلم
مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

مسكين الوطن مذبوح من اسنين

وصار اسنين الوطن ماشاف راحه

هم شفتوا شمس سهرانة بالليل

وهم شفتوا وطن نوابه ذباحه

مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

[flash=http://www.3rbz.com/uploads/5466ef7e7d171.swf]WIDTH=1 HEIGHT=1[/flash]

صدك دمك حلو وتحبه كل الناس

بس الف ياحيف طبعك مو حلو

مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

كتلي وي روحي لظمتك لظم

وكتلي يحبيب صرت مجنونك

تالي منك ماشفت بس الظلم

ترضى لو واحد تحبه يخونك

مجيد السيد

 

[مـــجيـّدالسيــــد]

رد: اكتب اليك ياملاكي ((بقلمي))

من مرة اجيت وكتلي محتاج
بعت روحي وسددت دينك
مجيد السيد