يمنع الرد حروف واوراق فوق الرفوف

[رمااد اانسان]

سهم هجرك لعد جبدي بجاني
زماني هواي ياصاحب بجاني
انه .. تمنيت .. لو انته بجاني
تشوف اللي جره منك عليه
^^^^^^^^^^^^^^^^
انه الما يوم جنح اجفاك شاكل
اما تدري ابجفاك اشربت شاكل
ولا فد يوم طاري العتب شاكل
لبشر .. منك واگول قصور بيه

 

[رمااد اانسان]

من افكر بيـك مرات انهضم
كلها يمي وانته مو يمي "ظلم"
المفترض يمك احط راسي وانام
بس تلاگينه بزمن مايحتـرم
حُـبك النوع المركز والثگيـل
وشوگي الك من هذا اليدگ بالعظم
هذا المخليني ما اگدر انام
وعنك يـحچيني ما أگدر أضم
عايش اويه اسـوّالفك بيهن أعيد
چنك ابذاكرتي لاضمّهـن لضم
الخـاطر الله اشگد حلو اشگد تنهضم
انته غير امسوي للدنيـه طعم
هيه أصلاً فاهـية ما الها لون
لغوة چانت "قال وقـُلّنـا لهم"
الفرگة مامرت عليّ مـرّ الكرام
هسه گمت اعرف إحساس الينحـرم
بس المفارگ يعرفهه زين
ايصفر الدنيه وحبيبـه إيـضل رقم

 

[رمااد اانسان]

تناشدني اعله لوني اللون وشلون
جفوني من مسيل الدمع وشلون
اكظي الليل كله شلون وشلون
ويطر الفجر خيط اخبال بيه

 

[رمااد اانسان]

كلولهم فاض الصبر
‏مشتاگه روحي تشوفهم...

‏حسيتهم كعبة عشگ
‏واجب علينه نطوفه

 

[رمااد اانسان]

خلوني بوگفتي احسن الــكم
جبل لوطحت تنطمون جواي
لاتحفرون ساسي بمعاولـكم
والشينات لتــسوونها ويـاي
الف وكفه شرف واگف لاجلكم
بفرحكم وبحزنكم تجوه وفيـاي

 

[رمااد اانسان]

ليّش ما مَليت مِنهُم؟
وليش ما مات الحَنين
شِعاجبك باقي بدربهُم
عاجبك هَذا الونيّن ؟
عِيش يا گلبي مِثلهُم
هُمَه طِين وأنتَ طِين .

 

[رمااد اانسان]

أفز بألليـل
مثـل آلحاكمينـه إعـدام
وأرجـف چـن سنابـل
شايفـه آلمنچـل
يـل حلـيت قصـة
يونـس أويـه آلحـوت
معقولـه آلگلتـلك بيهـه ما تنحل ؟

 

[رمااد اانسان]

مثل مابر لك بالكرب بر دان
يمي ليش بس وياي بردان
وعلي ماجلبت لليوم بردان
بس بردانك مجلبات اديه

 

[جنون العاطفه]

وين الكه بحلاتج ماي
من نعطش نسولفهه
بشر من تبتسم ارتاح
واحير شلون اغازلهه
يوجه العافيه شتردين
افصلج عليه اهدوم
لبسيني
غطيني بشهر حالوب
بارد حيل
بس ذكراج من ينجاب
يدفيني
أحبج حيل
يانشوة توالي الليل
مريني
احبج حيل
بنت الناس
جا هلبت تحبيني

 

[رمااد اانسان]

افرح لو شفت وجهك .....وسر بي
وحبك ثابت بكلبي ........وسر بي
شما طال الدرب امشي ....وسر بي
واجيب الروح لعيونك هدية