# # حضوركم بأبوذية تروق لكم ،،،،،***

[مـــجيـّدالسيــــد]

رد: # # حضوركم بأبوذية تروق لكم ،،،،،***

حبيبي انة منــــــــك ......... ونتة مني
وحس كلمن يون لك ........ ونتة مني
اجت احزان دهــــرك ........ وانتمن لي
وصرت يفلان مأوى لكل رزية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

شكثر انة احسب لجيتك ........ وعدلك
وسهرت الليل اتانـــــــي ........ وعدلك
اريدن بيدي اعوجنــــــك ........ وعدلك
وعدلك لو متت مابين ادية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

ابد ما اصطبيلــك .............. وانتبهلك
واحذر حيل مني ............. وانتبه لك
انة بأهلي ازامط ............. وانتة بهلك
واذا اهلك زلم هدهم علية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

الاحبة روحي بروحة .......... مذابة
زعل وياي لـــو ادري .......... مذابه
ذبني بلا سبب وانة .......... مذابه
هجرني وصاح حبك بس اذية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

عليكم من سلام الله .......... ورحمة
وحن عالكلب مــــــرة .......... ورحمة
اذا رايد اجر انــــــــــت ......... ورحمة
تعال انطيني بوسة وحن علية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

اجيك بلهفة اتعنة ............. وهملك
ولتضن يوم املنك ............. وهملك
اذا ضنيت متأكـــد ............. وهم لك
لان ميصح متوهم صافي نية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

كلمن كال سوف اعمل ........ وسبني
جنة بحجية شتمنـــي ........ وسبني
اكلة من الوطن اطلــع ........ وسبني
انة ابني الوطن بثنين ادية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

الفكر من عقلي طار .......... شتمني
وعليك الما يشتمـــن .......... شتمني
بعد هالذل يروحــــــي ......... شتمني
تمنيت روحي تاخذها المنية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

طبع اليحفر بصحـــــــــراء ........ يعراك
ومن طبع الشجر بالطين ........ يعراك
ومن طبع العراقي يصيح ......... يعراك
الك يغدي العمر فدوة وهدية

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

عطشان علة جرفك ليش ........ يماي
كل خصلة منكظهة تصيح ........ يماي
بعيد ابعد بعد لا تلفــــــي ........ يماي
اذا تلفي اشك ثوب العلية