حظر تجوال عدنه بسبب كارونه

[رمااد اانسان]

أجلبنك يليلي وروحي مسحونه
حظر تجوال عدنه بسبب كارونه

صارت بينه خوفه والله مامعقول
البوسه والمطالس ٠ صار مامقبول
گمنه نخاف من أبنادم ٠٠ المنشول
ونشرد لو سمعنه مصخن صخونه

اليعطس واليگح مكروه بين الناس
محد يوصله ولاينكض ٠ وينجاس
هاي شلون بلوه وشاب منهه الراس
كلمن ينشل گامو ٠٠٠٠٠٠ يحجرونه

يحجرونه ويظل معزول ٠ وينادي
وين أهلي وخوتي ومرتي وولادي
صرت مكروه كلهه تصيح ٠ ليغادي
ولا واحد يگول شلونه ٠٠٠٠ مالونه

سدوهه الشوارع ماكو رايح ٠ جاي
حسره عليك من تطلع تجيب الماي
لاضل فكر عدنه وتاه منه ٠٠٠ الراي
الحظر گلي شوكت خايب يفتحونه

حظر تجوال عدنه وكلمن ٠٠٠ أبيته
صارت عفرته عدنه وصفت٠٠ هيته
ماندري الحظر لشوكت ٠٠٠٠ تاليته
ونطلع من سجنه البيه ٠٠ سجنونه

مناگر والطلايب صارت ٠٠٠٠ بكثره
غم هاي الحياة وعيشة٠٠٠ الگشره
واحدنه بعد ماينحمل ٠٠٠٠٠ صبره
بالمطبخ بقينه نغسل٠٠٠٠ صحونه

نغسل بالصحونه ونايمه أم كفشه
وخدر چاي أگعد گمت من غبشه
گمت أطبخ الباچه وغسل الكرشه
وصبن بالغده وتاكل ٠٠٠ الخاتونه

مكيفه بالحظر نسوانه ٠٠٠٠ بخده
ليل نهار تدعي أتطول ٠٠٠٠٠ المده
أضل گاعد أبيتي وبابنه٠٠٠ أنسده
ولا واحد يطبنه وينخطف٠٠ لونه

شوكت نطلع يخوتي ونترك النسوان
وترد ذيچ السوالف گعدت٠٠ الديوان
ومجالسنه ترد ونسير ٠٠٠٠٠ برمضان
ونقره أعله الغريب الحمل٠٠ ضعونه

أجلبنك يليلي وروحي مسحونه
حظر تجوال عدنه بسبب كارونه

 

[آهات حالمه]

رد: حظر تجوال عدنه بسبب كارونه

طَرِحْ ممُيَّز جِدَاً وَرآِئعْ
تِسَلّمْ الأيَادِيْ
ولآحُرمِناْ مِنْ جَزيلِ عَطّائِهاْ
إحترامي

 

[رمااد اانسان]

رد: حظر تجوال عدنه بسبب كارونه

طَرِحْ ممُيَّز جِدَاً وَرآِئعْ
تِسَلّمْ الأيَادِيْ
ولآحُرمِناْ مِنْ جَزيلِ عَطّائِهاْ
إحترامي

نورتي عطوره
حضورك اسعدني
يسلمووو على التواصل
الجميل الدائم
ارق تحية عطرة

 

[تـــــرفـــهہ]

رد: حظر تجوال عدنه بسبب كارونه

عاشت ايدك

 

[منتظر]

رد: حظر تجوال عدنه بسبب كارونه

صح لسانك حبيبي

 

[سُـكرة]

رد: حظر تجوال عدنه بسبب كارونه

عاشت ايدك ...


.

 

[سُـكرة]

رد: حظر تجوال عدنه بسبب كارونه

كارونه هذا فايروس جديد لو شنو :d


اتشاقه وياااك ههههههه

عاشت ايدك اخي :x

 

[رمااد اانسان]

رد: حظر تجوال عدنه بسبب كارونه

عاشت ايدك

يسلم عمرك نورتي

 

[رمااد اانسان]

رد: حظر تجوال عدنه بسبب كارونه

نورت اخي منتظر
يسلم عمرك

 

[قيصر الحب]

رد: حظر تجوال عدنه بسبب كارونه

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي