رد: حِگــــــــايَهـْ ..~
~ أنتِ ما رح تكوني مميزة بشكلك ، أنتِ مميزة بطريقة تفكيرك ، بكلام ما حدا بيقوله غيرك ، مميزة بضحكتك ، بردة فعلك ، بلمعة عيونك ، الموضوع أكبر من شكل والله ..
~ أنتِ مميزة بحنيتك بعالم مليان قسوة ، بصبرك بزمن كل شي في بيتسابق ليوصل بغض النظر عن الوسيلة ، بقوتك رغم كل شي بيدفعك لتكوني ضعيفة ، بإصرارك عالشي اللي بتحبيه رغم وقوف كل شيء ضدك .
~ أنتِ مميزة وقت توقفي جنب الناس اللي بتحبيهم مع أنه بطل حدا فارق مع حدا ، لما تحسي فيهم وتراعيهم و تقدّرهم ، وتحاولي ع طول تحميهم وتساعديهم ، تفرحي معهم وتحزني معهم ، وتفتخري بإنجازاتهم حتى لو سبقوكِ فيها ..
~ أنتِ مميزة لأنهم بشوفوا فيكِ الي مش عند غيرك ، و اللجوء الوحيد لناس بتنفيهم كل بقاع الأرض وكل القلوب ..
~ أنتِ مميزة بكل شيء , عدا شكلك