مرحبا للجميع
أنا عضوة جديدة معكم
حبيت منتداكم و حبيت أكون معكم مع اني فلسطينية الأصل
و عاشقة للعراقيين أكيد
و حابة أضع أعمالي هون عندكم
و بتقبل أي ملاحظات أي حد الو بالتصميم
و بتمنى تتقبلوني معكم هون
و تحملوا صراحتي
انا تعليمي ذاتي من النت
عندي خبرة بسيطة بالمنتديات و كنت ادارية بكذا منتدى بقسم التصميم
بس للأسف عملي هو اللي مش مخليني متفرغة كثير
و الفتوشوب عندي هواية
و اللي خلاني اتعلم الفتو الفراغ و الوحده و كمان شرقية اهلي الزايده
المهم هسا بعرض بعض اعمالي القديمة
و باخدآرائكم
طبعا يمكن فيها شوية أخطاء لأنها كانت بدايات التعلم
و رح كل وحده احكيلكم انها قديمة او جديدة
و ملخص سريع عنها
و ان شاء الله كل كم يوم بعمل تصميم جديد و بنتظر ارائكم فيها
بحب اشتغل على البن تول أكثر من اللعب على الاضاءة و الألوان و الفلاتر و الأكشنات
بس البن تول بدو كثير كثير وقت
اما البيكسل اتعلمت فيه شوي بس ما حبيتو لان صعب شوي ههههه
يلا اراكم بالرد القادم ببعض تصاميمي القديمة :cheerleader[1]:
