خفت يغتالون حلمي

[آهات حالمه]

خفت يغتالون حلمي
وينذبح حلمي بشضية ...!
شككت حلمي بدية ....
وأرجعت شككت المشكك بدية ٫
شوية من حلمي بقه مجلب بدية ....
وخايف يزفني شهيد !!

وين أريد ...

خاف أغمض عيني وابعد .... وأرجع أحلم من جديد !!
أرجع أحلم بالعراق ..
احلم يشب النا خيمة !! ...
ونلتم نغني بفرحنا ....
والعلم يضحك نشيد !

حيل خايف ....
خايف أحلم من جديد !
ومن يلم العلم جسمي ... مايرد جف الرصاصة !!
وأرجع اتسمى شهيد !

مااريد ....

مااريد احلم بثورة ...
أنه عايش .... !
عايش بحزني سعيد !

ومااريد

ما اريد اضحك وأغني ... انه يعجبني الدمع !
من يغٓسلني و يعيد !

مرة واحد من أهلنا ...
جان يحلم !!
التمت الدنيا اعل حلمة ! ...
وكلها صاحت ....
هذا خاين .... شلون يحلم وشيريد ! ؟
وقسم صاحوا ....
هذا جاهل ٫ قشمروا أهل السفارة ... يريد تسقيط العقيدة !!
طايش وكلش عنيد ...
رد أكل حلمة وتندم ..... طاح باأحلامة شهيد .
هم شهيد !!
ماريد
مااريد ... احلم واغني .
ولا ادورلي وطن ..... لاقديم ولا جديد .

ماأريد






علي المحنه
​

 

[mohammed.shams]

رد: خفت يغتالون حلمي

لجهودكم باقات من الشكر والتقدير
على المواضيع الرائعه والجميلة

 

[الحلى مبتليني]

رد: خفت يغتالون حلمي

ابداع راقي ومميز
عاشت ايدك

 

[رمااد اانسان]

رد: خفت يغتالون حلمي

اختيار موفق يستحق الشكر والثناء
ارق تحية

 

[قيصر الحب]

رد : خفت يغتالون حلمي

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[آهات حالمه]

رد: خفت يغتالون حلمي

اسعدني وشرفني المرور الجميل
مودتي والتقدير

 

[الحلى مبتليني]

رد: خفت يغتالون حلمي

ابداع راقي ومميز

سلمت الانامل الذهبية

 

[آهات حالمه]

رد: خفت يغتالون حلمي

شكرا للمرور البهي
محبتي والتقدير

​

​

​