دارميات

[ابو مناف البصري]

دارميات
ضيم الوكت هادود واتونس اعليه
مثل ام حمل وبتوم ويندسن ارليه...

بتاسع شهر ظليت ومنازع اوياك
حامل وأنودن بيك يلمامش دواك...

عمداً لگص هدوم سوده اعله روحي
تطلگ تريد تجيب نوح اعله نوحي...

حسبات أليّه هواي ماغابن بليل
يتسابگن عالروح ويركّن الحيل...

وج وطفه التنور وگليبي ما هاد
يخبز بروحي رغيف للرايح وراد...

بتوت الگلب يا صاح گطّعها وكتي
وبمغزل الجدات ضاعت عگدتي...

جرحك نجر تسگام يلچمني كل يوم
يلغبت عني اشبيك ما تسمع اللوم...

عمري وشباب الروح وآهاتي كلهن
صارن وسط محماس والحظ يدگهن...

أحاه يطيبي أحاه ذاك الفديته
حسبالي عد طيبين واتنطريته...

بهاون لحط الروح وأسحنها بيدي
چي لنها حبت ناس گطعوّا وريدي....

..... كل الحب لجميع الاخوة والاصدقاء......
دارميات من الجنوب كامل العتابي

 

[mohammed.shams]

شكرا للجهود المبذولة

 

[mohammed.shams]

شكرا للجهود المبذولة

 

[الرااااكد]

يسلمووو
على النقل