دوارة الدنيه..

[العـ عقيل ـراقي]

..
تندار الدنيه وبينه اتلف
وصيوان الحب
بينه يحلف
وشكد همينه
وظيمنه انجوم السهر
حدر ارموشك
وظميتك وياي
حدر الجرجف
تتلامع عينك بالظلمة
واشفافك تين اتكطر
وانه بكل شوكي
بيهن ارشف
لاعبتك غميضة جيجو
وسديت عيني
بربع الجف
الله يصبري
شفت كلشي لله يدعي
ومدري شنو ذاك
بالظلمة يلصف
كربت شفتي ابوسه
باسني بكل لهيبه
ومن لهيبه كلبي يرجف
الله يخصرك
سالفة نساها الليل
وبيه النرجس يحلف
كبعت روحي بفي نهدك
وأخذني الحلم
لباب صدرك
أحسه بروحي يرهف
جملني كطرة كطرة
وما اريدن نهرك ينشف
عبرني لذاك الصوب
وبذمة نحرك
بلجن اسهامك عني
تشكف
يلسرتك ميزان المنحل
وبسبع بوسات
انجل بربوعك منسف
ظمني واظم
بلجن تزهك عيون الحاسد
ونعيش بظمة ملحف
شهل المناحر
وشهل السماحة
وكل البيك يغاره
الترف




العـ عقيل ـراقي



​

 

[‏أعہشہقہ أنہفہاسہكہ]

رد: دوارة الدنيه..

كلمااات رائعه اعجبني ماانثرت هنااا دام ابداعك ولك مني كل الاحترام دمت لناا ودائم قلبك وقلمك

 

[العـ عقيل ـراقي]

رد: دوارة الدنيه..

اهلا بسموكِ هنا
بين حروفي
شكرا لعطركِ الاخاذ
عقيل العراقي​