يمنع الرد ديبآجَةُ رُوحْ 3>

[ملهم]

’،

[BGCOLOR=rgb(247, 218, 100)]أنت تزور ..[/BGCOLOR]
[BGCOLOR=rgb(247, 218, 100)]و اني هنا أعلك نذور !.[/BGCOLOR]

[ شخابيطي ]

’،​

 

[ملهم]

’،

على بادئة النص
ان تنحني إحتراماً لسمو جلالة

ال [ حُبّ ] تحديداً و حصراً ..

و ذلك لان وفداً سامي من المشاعر قد
حزِمَ حقائبه متوجهاً لها ..
كي تُتْمِم الطواف السابع،
في حضرة قلبها الحاني..
فيضُ القداسةِ الذي أحاطها
جعل منها تميمة و كل من واكبها،
شارف ان يُصبح ملاك..
و على سبيل [ الصبوَّ ]،
فأن هناك كلاماً لا يستطع الخروج
على هذه الشاكله من الحروف
وذلك لاحساسه بالتقيّد ..
لذا توجب على القلب ان يُكن هو الناطق
المباشر عما يدور في خلده
و سيكون التعبير بالطريقة التالية :

اربع حروف احچيها لج مخصوصة انتي بهايه

و ما گاصد اكتبلج شعر
و لا ناوي انطقها بسحر
بس هي سالوفة عمر
ما حاس گلبي لوحدي لا انتي بيّه ويايه
اربع حروف احچيها لج مخصوصة انتي بهايه

نبضات كومة الصاحتج
و طيوف كلش رادتج
عينج بعين تصد الج
طارت حيل من الفرح طلعت ريش هوايه
اربع حروف احچيها لج مخصوصة انتي بهايه

اربع حروف الواضحة
بالعشگ انتِ الناجحة
ايام عمري الطايحة
خليها من فدوة العمر جنج غصن وردايه
اربع حروف احچيها لج مخصوصة انتي بهايه

انتي يالخذتي العقل
الگلب منج ما يمل
النبض يمج خو ثمل
امرايه ما ترهم الج يالجنج انتي امرايه
اربع حروف احچيها لج مخصوصة انتي بهايه

وياج يرجعلي الحيل
الرگبة يا عطر الهيل
الوجه گمرية بليل
و الكحل غار من الجفن يا نجمة فوگ سمايه
اربع حروف احچيها لج مخصوصة انتي بهايه

’،


" من فيض المُلْهِم "
أتمت ربيعها في مطلع أيلول
عام عشرون - واحد و عشرون

..

مشاهدة المرفق 17496

’،

 

[ملهم]

’،

من فرط الشعور ويا شخص تحبه
تشعر انه گلبك طلعتله ادينات
و هو صار يكتب مباشرةً

’،​

 

[ملهم]

’،

أنتِ أعمق من أن أحبكِ كالآخرين،
يلزمني لأجلكِ خمس قلوب،
و روحان، و الآلاف الشراين ..



’،​

 

[امير البصره]

رووووعه

 

[ملهم]

رووووعه

ممتن لحضورك عزيزي ..
وافر محبتي لهذه المتابعة اللطيفة ..

’،

 

[ملهم]

’،

اكو اشخاص لازم واحد يسويلهم
" باسوورد "
يعني مو كل من هبَّ و دّبْ يجي يحاجيهم
مو هي تايهة ،
والله يا الله ..

’،​

 

[ملهم]

’،

من كثر غيرتي على الشخص الاحبّة
اتمنى ما يكون اجتماعي أبد
اصلاً يخبل و هو بي توحد ..

’،​

 

[ملهم]

’،

اكتب و اكتب و اكتب
مسجات كلش طويلة بحيث
اوصل الى مرحلة اصابعي تصير
توجعني من الالم گد ما لازم القلم
او من خلال شاشة الفون ..
المهم اتخيل كل هاي الكتابة اكتبها
علمود اعبّر الك عن كمية الحب
اللي بداخلي الك ، و من اكمل و ارجع
اقرأ اللي كتبته ، اشعر انه جداً قليل
و ما يعبر و لو بمقدار ذرة من المشاعر
اللي شايلها بنبضاتي الك ..
لذلك امسح المسج كله و اكتبلك

[ والله م ش ت ا ق ل ك ]



’،​

 

[ملهم]

’،

النظرة ، الترّقب ، المُراقبة ،
الانتظار ، الصداقة ، الانجذاب ،
التعلق ، الاشتياق ، الحُبّ ،
الهيام ، الغرام ، الما اعرف شنو ..

[ الما اعرف شنو ] هي أبلغ مراحل الحُب ..

و حالياً اني كلش ( ما اعرف شنو ) وياك ،



’،​