أممممم
- شبيك اليوم تئمئم ، و صافن ؟
- شايف شعور واحد غرگان بنُص روحه ؟
- شلون يعني ساد خشمك و بحلگك مي هواي هههه
- ابقه قلد قلد عمرك مراح تفهم شعوري
و شنو الفيض البداخلي ..
- صديقي انت شغلتك اتضخ دم و بس
عوف هاي السوالف متوكل خبز ..
- طبعاً شكو عليك بس تنطي اوامر و ما الك شغل بعد
- شبيك يله خل اگعد وياك اليوم سولفلي ..
- اوووووووف ..
- شو بدايتها اووف احجي ليش سكتت ؟
- منين ابديلك و شنو احجيلك .!
- احجي منين ما يعجبك و لا تشيل هم ..
- انت شايف من يتحول الهوا بصدرك على شكل كائن حي يدخل بالرئة بصفي و يمتزج ويا الدم و يجي يفتح الباب مالتي و يگعد بنص بيتي و بقمة الهرم مالتي ..
- هاي انت شصاير بيك واصل مرحلة و اني بعيد عنك
- لعد شحجي صار ساعة مو بس هيج
اتخيل صار يتحكم حتى بالنبضات
يركضن يركضن يركضن ..
شنو يابه هو الطيف اللي حلمن بي من زماااان
هو البلسم اللي ما اله بديل ابد ..
هو الطمأنينة مالتهن ..
هو بمثابة الابهر يمهن ..
- كافي لان دوختني وياك و حتى الخيال
صار يمك كله ..
زين هو حلو ؟